ജയ്പൂർ: ദലിത് യുവാക്കളെ കാറിടിച്ച് കൊലപ്പെടുത്തിയ സംഭവത്തിൽ മൂന്ന് പേർ കസ്റ്റഡിയിൽ. പ്രതികളുടെ വിവരങ്ങൾ വെളിപ്പെടുത്തിയിട്ടില്ല. ബിധിയാദ് നിവാസികളായ രാജു, ചുന്നിലാൽ എന്നിവരാണ് കൊല്ലപ്പെട്ടത്. യുവാക്കൾ സഞ്ചരിച്ച ബൈക്കിനെ കാർ പലവട്ടം ഇടിക്കുകയായിരുന്നു. സംഭവത്തിൽ ഗുരുതരമായി പരിക്കേറ്റ കൃഷ്ണറാം എന്ന യുവാവ് ചികിത്സിലാണ്.
രാജസ്ഥാനിലെ കുച്ചാമനിലെ റാണാസർ ഗ്രാമത്തിൽ തിങ്കളാഴ്ച രാത്രിയായിരുന്നു സംഭവം. അപകടത്തിന് തൊട്ടുമുമ്പ് യുവാക്കൾ ഹൈവേയിലുണ്ടായിരുന്ന അജ്ഞാതരായ ചിലരുമായി തർക്കമുണ്ടായിരുന്നു. ഇതിന് പിന്നാലെയാണ് ഇവർ സഞ്ചരിച്ച ബൈക്കിന് നേരെ ആക്രമണമുണ്ടാകുന്നത്.
അന്വേഷണം പുരോഗമിക്കുകയാണെന്നും കേസിൽ വേണ്ട നടപടികൾ സ്വീകരിക്കാൻ സർക്കാർ നിർദേശം ലഭിച്ചിട്ടുണ്ടെന്നും പൊലീസ് അറിയിച്ചു. അപകടത്തിന്റെ സി.സി.ടി.വി ദൃശ്യങ്ങൾ പരിശോധിക്കുകയാണ്. മനപ്പൂർവമുല്ള കൊലപാതകമാണോ എന്നത് സംബന്ധിച്ച അന്വേഷണം നടക്കുകയാണെന്നും പൊലീസ് അറിയിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.