ന്യൂഡൽഹി: രാജ്യത്തെ കോവിഡ് ബാധിതരുടെ എണ്ണം 13,000 കടന്നതായി കേന്ദ്ര ആരോഗ്യ -കുടുംബക്ഷേമ മന്ത്രാലയം. കഴിഞ്ഞ 24 മണ ിക്കൂറിനുള്ളിൽ 1,007 പേർക്ക് പുതുതായി കോവിഡ് സ്ഥിരീകരിച്ചു. ഇതോടെ രോഗബാധിതരുടെ എണ്ണം 13,387 ആയി.
കഴിഞ്ഞ മണി ക്കൂറുകളിൽ 23 മരണങ്ങളാണ് റിപ്പോർട്ട് ചെയ്തത്. രാജ്യത്തെ കോവിഡ് മരണസംഖ്യ 437 ആയി ഉയർന്നു. നിലവിൽ 11,201 പേരാണ് ചികിത്സയിലുള്ളത്. 1,749 പേർ രോഗമുക്തി നേടി. വ്യാഴാഴ്ച മാത്രം 183 പേരാണ് ആശുപത്രിവിട്ടത്.
ഇന്ത്യയിൽ രോഗമുക്തി നേടുന്നവരുടെ എണ്ണം വർധിക്കുന്നത് പ്രതീക്ഷാവഹമാണെന്നാണ് റിപ്പോർട്ട്. വ്യാഴാഴ്ചത്തോടെ രോഗമുക്തിയുടെ നിരക്ക് 13.06 ശതമാനമായി ഉയർന്നിട്ടുണ്ട്.
കോവിഡ് വ്യാപനത്തെ തുടർന്ന് 170 ജില്ലകളാണ് ഹോട്ട് സ്പോട്ടായി കണക്കാക്കിയിരിക്കുന്നത്. രാജ്യത്തെ 37 ശതമാനം ജനങ്ങളും ഹോട്ട്സ്പോട്ട് മേഖലയിലാണ് വരുന്നത്. തമിഴ്നാട്ടിലാണ് ഏറ്റവും കൂടുതൽ റെഡ് സോണുകളുള്ളത്. 37 ജില്ലകളിൽ 22 എണ്ണം കോവിഡ് അതിവ്യാപന മേഖലകളാണ്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.