വ​ർ​ഷ​ങ്ങ​ളാ​യി വ​ല​വി​രി​ച്ച നേതാവിനെ കൊന്ന് സു​ര​ക്ഷ​സേ​ന; കേ​ശ​വ​റാ​വു​വി​​ന്റെ മ​ര​ണം മാ​വോ​വാ​ദി​ക​ൾ​ക്ക് വ​ൻ തി​രി​ച്ച​ടി​

ന്യൂ​ഡ​ൽ​ഹി: ‘ച​രി​ത്ര​വി​ജ​യം’ എ​ന്നാ​ണ് മാ​വോ​വാ​ദി ക​മാ​ൻ​ഡ​റും സി.​പി.​ഐ മാ​വോ​യി​സ്റ്റ് ജ​ന​റ​ൽ സെ​ക്ര​ട്ട​റി​യു​മാ​യ കേ​ശ​വ​റാ​വു​വി​നെ വെ​ടി​വെ​ച്ച് കൊ​ന്ന​തി​നെ ഛത്തി​സ്ഗ​ഢ് പൊ​ലീ​സ് വി​ശേ​ഷി​പ്പി​ച്ച​ത്. നി​ര​വ​ധി മാ​വോ​വാ​ദി ആ​ക്ര​മ​ണ​ങ്ങ​ളു​ടെ ആ​സൂ​ത്ര​ക​നാ​യി​രു​ന്ന ബ​സ​വ​രാ​ജ് എ​ന്ന കേ​ശ​വ​റാ​വു​വി​നാ​യി വ​ർ​ഷ​ങ്ങ​ളാ​യി സു​ര​ക്ഷ​സേ​ന വ​ല​വി​രി​ച്ചി​രി​ക്കു​ക​യാ​യി​രു​ന്നു. കേ​ശ​വ​റാ​വു​വി​​ന്റെ മ​ര​ണം മാ​വോ​വാ​ദി​ക​ൾ​ക്ക് വ​ൻ തി​രി​ച്ച​ടി​യാ​ണ്. മാ​ർ​ച്ചി​ന​കം മാ​വോ​വാ​ദി​ക​ളെ മു​ഴു​വ​ൻ ഇ​ല്ലാ​താ​ക്കു​മെ​ന്ന കേ​ന്ദ്ര ആ​ഭ്യ​ന്ത​ര മ​ന്ത്രി അ​മി​ത് ഷാ​യു​ടെ പ്ര​ഖ്യാ​പ​നം നേ​ര​ത്തേ ന​ട​പ്പി​ലാ​ക്കു​മെ​ന്നാ​ണ് സു​ര​ക്ഷാ​സേ​ന പ​റ​യു​ന്ന​ത്.

ആ​ന്ധ്ര​പ്ര​ദേ​ശി​ലെ ശ്രീ​കാ​കു​ളം ജി​യാ​ന​പേ​ട്ട​യി​ൽ 1955ലാ​ണ് കേ​ശ​വ​റാ​വു ജ​നി​ച്ച​ത്. വാ​റം​ഗ​ൽ ആ​ർ.​ഇ.​സി​യി​ൽ​നി​ന്ന് ബി​രു​ദം. ദേ​ശീ​യ​ത​ല​ത്തി​ൽ ആ​ന്ധ്ര​​പ്ര​ദേ​ശി​നെ പ്ര​തി​നി​ധീ​ക​രി​ച്ച വോ​ളി​ബാ​ൾ താ​ര​മാ​യി​രു​ന്നു. ക​ബ​ഡി​യി​ലും തി​ള​ങ്ങി. റാ​ഡി​ക്ക​ൽ സ്റ്റു​ഡ​ന്റ്സ് യൂ​നി​യ​നി​ൽ സ​ജീ​വ​മാ​യി​രു​ന്ന കേ​ശ​വ​റാ​വു 1980ൽ ​എ.​ബി.​വി.​പി പ്ര​വ​ർ​ത്ത​ക​രു​മാ​യു​ള്ള സം​ഘ​ർ​ഷ​ത്തി​ൽ അ​റ​സ്റ്റി​ലാ​യി​. ഈ ​സം​ഭ​വ​ത്തി​നു​ശേ​ഷം കേ​ശ​വ​റാ​വു​വി​ന്റെ ജീ​വി​ത​ത്തി​ൽ അ​റ​സ്റ്റു​ണ്ടാ​യി​ട്ടി​ല്ല.

പി​ന്നീ​ട് പീ​പി​ൾ​സ് വാ​ർ ഗ്രൂ​പ്പി​ൽ ചേ​ർ​ന്ന് ന​ക്സ​ലി​സം പ്ര​ച​രി​പ്പി​ച്ചു. മു​ൻ ജ​ന​റ​ൽ സെ​ക്ര​ട്ട​റി ഗ​ണ​പ​തി​യാ​ണ് നേ​തൃ​ത്വ​ത്തി​ലേ​ക്ക് കൈ​പി​ടി​ച്ചു​യ​ർ​ത്തി​യ​ത്. പീ​പി​ൾ​സ് ലി​ബ​റേ​ഷ​ൻ ഗ​റി​ല്ല ആ​ർ​മി ക​മാ​ൻ​ഡ​റാ​യി​രു​ന്ന കേ​ശ​വ​റാ​വു നി​ര​വ​ധി ക്രൂ​ര​മാ​യ ആ​ക്ര​മ​ണ​ങ്ങ​ൾ​ക്ക് ബ​സ്ത​ർ മേ​ഖ​ല​യി​ൽ നേ​തൃ​ത്വം ന​ൽ​കി​യി​ട്ടു​ണ്ട്. അ​ത്യാ​ധു​നി​ക സ്ഫോ​ട​ക​വ​സ്തു​ക്ക​ൾ കൈ​കാ​ര്യം ചെ​യ്യു​ന്ന​തി​ലും സാ​യു​ധ ഇ​ന്റ​ലി​ജ​ൻ​സി​ലും വി​ദ​ഗ്ധ​നാ​യി​രു​ന്നു. 2013ൽ ​ഝാ​ർ​ഖ​ണ്ഡി​ലെ ല​തേ​ഹ​റി​ൽ ന​ട​ന്ന ആ​ക്ര​മ​ണ​ത്തി​ൽ മ​രി​ച്ച സി.​ആ​ർ.​പി.​എ​ഫ് ജ​വാ​ന്റെ വ​യ​റി​ന് ഫോ​ട്ടോ സെ​ൻ​സി​റ്റീ​വ് സ്ഫോ​ട​ക​വ​സ്തു ഘ​ടി​പ്പി​ച്ച​ത് ഇ​യാ​ളാ​യി​രു​ന്നു. ര​ക്ഷാ​പ്ര​വ​ർ​ത്ത​ക​ർ​ക്കും ഡോ​ക്ട​ർ​മാ​ർ​ക്കും​വ​രെ പ​രി​ക്കേ​ൽ​പി​ക്കു​ക​യാ​യി​രു​ന്നു ല​ക്ഷ്യം.

ഗ​ണ​പ​തി​യു​ടെ രാ​ജി​ക്ക് പി​ന്നാ​ലെ 2018ൽ ​കേ​ശ​വ​റാ​വു സി.​പി.​ഐ മാ​വോ​യി​സ്റ്റി​ന്റെ ത​ല​പ്പ​ത്ത് എ​ത്തു​മ്പോ​ൾ കൂ​ടു​ത​ൽ ആ​ക്ര​മ​ണ​ങ്ങ​ളാ​യി​രു​ന്നു സം​ഘ​ട​ന ല​ക്ഷ്യ​മി​ട്ട​ത്. എ​ന്നാ​ൽ, സു​ര​ക്ഷാ​സേ​ന ശ​ക്ത​മാ​യി എ​തി​രി​ട്ട​തോ​ടെ പ്ര​മു​ഖ കേ​ഡ​റു​ക​ളെ​ല്ലാം കൊ​ല്ല​പ്പെ​ടു​ക​യോ കീ​ഴ​ട​ങ്ങു​ക​യോ ചെ​യ്തു. ക​ഴി​ഞ്ഞ ജ​നു​വ​രി​യി​ലാ​ണ് ഒ​ഡി​ഷ- ഛത്തി​സ്ഗ​ഢ് അ​തി​ർ​ത്തി​യി​ൽ​വെ​ച്ച് മു​തി​ർ​ന്ന നേ​താ​വ് ച​ല​പ​തി എ​ന്ന ജ​യ​റാം റെ​ഡ്ഡി കൊ​ല്ല​പ്പെ​ട്ട​ത്.