എകരൂല്‍: ടിപ്പർ ലോറി ബൈക്കിലിടിച്ച് യുവാവ് മരിച്ചു. എകരൂല്‍ പുതിയേടത്ത് മുക്ക് കുളത്തിന്‍റെ മീത്തല്‍ സുകുമാരന്‍റെ മകന്‍ ഷാജേഷാണ് (40) മരിച്ചത്. ബൈക്കില്‍ കൂടെ യാത്ര ചെയ്ത പുതിയേടത്ത് മുക്ക് കണ്ണിലക്കണ്ടി ഷജില്‍ കുമാറിന് (39) പരിക്കേറ്റു.
എകരൂല്‍ വള്ളിയോത്ത് കാവിലുംപാറ വളവില്‍ ബുധാഴ്ച രാവിലെ ഏഴരയോടെയാണ് അപകടം. ഇന്‍ഡസ്ട്രിയല്‍ ജോലി ചെയ്യുന്ന ഷാജേഷും സുഹൃത്ത് ഷജില്‍കുമാറും രാവിലെ ജോലിയാവശ്യാര്‍ത്ഥം ഇയ്യാട് ഭാഗത്തേക്ക് ബൈക്കില്‍ സഞ്ചരിക്കുമ്പോള്‍ വീര്യമ്പ്രം കരിങ്കല്‍ കോറിയില്‍നിന്ന്‍ കരിങ്കല്‍ കയറ്റി വരുകയായിരുന്ന ടിപ്പര്‍ ലോറിയില്‍ ഇടിച്ചാണ് അപകടം. ടിപ്പറിനടിയില്‍പെട്ട ഷാജേഷിനെ ഉടന്‍ കോഴിക്കോട് മെഡിക്കല്‍ കോളജിലെത്തിച്ചെങ്കിലും രക്ഷിക്കാനായില്ല.
കൈക്ക് ഗുരുതര പരിക്കേറ്റ ഷജില്‍കുമാറിനെ കോഴിക്കോട് മെഡിക്കല്‍ കോളജ് ആശുപത്രിയില്‍ പ്രവേശിപ്പിച്ചു. സൗമ്യയാണ് ഷാജേഷിന്റെ ഭാര്യ. നാലു വയസുകാരനായ ആദി കൃഷ്ണ മകനാണ്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.