അമേത്തിയിൽ കോൺഗ്രസ് ബൂത്ത് പിടിത്തമെന്ന് സ്മൃതി ഇറാനി

ലഖ്നോ: വോട്ടെടുപ്പ് തുടരുന്ന അമേത്തിയിൽ കോൺഗ്രസ് ബൂത്ത് പിടിക്കുന്നുവെന്ന ആരോപണവുമായി ബി.ജെ.പി സ്ഥാനാർഥി സ് മൃതി ഇറാനി. ഇതിന് തെളിവായി വിഡിയോയും അവർ ട്വിറ്ററിലൂടെ പുറത്തുവിട്ടു.

കോൺഗ്രസ് സ്ഥാനാർഥിയായ രാഹുൽ ഗാന്ധിക്ക് മനുഷ്യത്വമില്ല. രാഹുൽ രക്ഷാധികാരിയായിട്ടും ആശുപത്രിയിൽ ചികിത്സ ലഭിക്കാത്തതിനെ തുടർന്ന് ഒരാൾ മരണപ്പെട്ടു. രാഷ്ട്രീയ നേട്ടത്തിന് വേണ്ടിയായിരുന്നു ഇതെന്നും ഇറാനി ആരോപിച്ചു.

ഇന്ന് വോട്ടെടുപ്പ് ദിനമായിട്ടും രാഹുൽ അമേത്തിയിൽ എത്തിയിട്ടില്ല. എന്ത് കൊണ്ട് രാഹുൽ അമേത്തിയിൽ വന്നില്ല എന്നതിന് കോൺഗ്രസ് നേതാക്കൾ ജനങ്ങളോട് മറുപടി പറയണമെന്നും സ്മൃതി ഇറാനി കൂട്ടിച്ചേർത്തു.