പാകിസ്താനെതിരെ ബ്രഹ്മോസ് പ്രയോഗിച്ചു; ഓ​പ​റേ​ഷ​ൻ സി​ന്ദൂ​ർ അ​വ​സാ​നി​ച്ചി​ട്ടി​ല്ലെ​ന്നും രാ​ജ്നാ​ഥ് സി​ങ്

ന്യൂ​ഡ​ൽ​ഹി: ഓ​പ​റേ​ഷ​ൻ സി​ന്ദൂ​റി​ൽ പാ​കി​സ്താ​നെ​തി​രെ ബ്ര​ഹ്മോ​സ് മി​സൈ​ൽ പ്ര​യോ​ഗി​ച്ചെ​ന്ന് പ്ര​തി​രോ​ധ മ​ന്ത്രി രാ​ജ്നാ​ഥ് സി​ങ് സ്ഥി​രീ​ക​രി​ച്ചു. ബ്ര​ഹ്മോ​സ് മി​സൈ​ലു​ക​ളു​ടെ ശ​ക്തി​ക്കു മു​ന്നി​ൽ പാ​കി​സ്താ​ൻ ത​ല​കു​നി​ച്ചെ​ന്ന് അ​ദ്ദേ​ഹം കൂ​ട്ടി​ച്ചേ​ർ​ത്തു. ഗു​ജ​റാ​ത്തി​ലെ ഭു​ജ് വ്യോ​മ​സേ​ന താ​വ​ള​ത്തി​ൽ സൈ​നി​ക​രെ അ​ഭി​സം​ബോ​ധ​ന ചെ​യ്യു​ക​യാ​യി​രു​ന്നു അ​ദ്ദേ​ഹം.

‘‘ഓ​പ​റേ​ഷ​ൻ സി​ന്ദൂ​ർ അ​വ​സാ​നി​ച്ചി​ട്ടി​ല്ല. ഇ​പ്പോ​ഴ​ത്തേ​ത് ‘ട്രെ​യി​ല​ർ’ മാ​ത്ര​മാ​ണ്. ശ​രി​യാ​യ സ​മ​യം വ​രു​മ്പോ​ൾ ‘മു​ഴു​വ​ൻ സി​നി​മ​യും’ ലോ​ക​ത്തി​നു മു​ന്നി​ൽ കാ​ണി​ക്കും. 23 മി​നി​റ്റി​ന​കം പാ​ക് താ​വ​ള​ങ്ങ​ൾ ന​ശി​പ്പി​ച്ച വ്യോ​മ​സേ​ന​യെ അ​ഭി​ന​ന്ദി​ക്കു​ന്നു. ഭീ​ക​ര​വാ​ദം വെ​ച്ചു​പൊ​റു​പ്പി​ക്കി​ല്ലെ​ന്നും ശ​ക്ത​മാ​യ തി​രി​ച്ച​ടി ന​ൽ​കു​മെ​ന്നു​മു​ള്ള വ്യ​ക്ത​മാ​യ സ​ന്ദേ​ശ​മാ​ണ് സേ​ന ന​ൽ​കി​യ​ത്. പാ​ക് മ​ണ്ണി​ലെ ഒ​മ്പ​ത് ഭീ​ക​ര താ​വ​ള​ങ്ങ​ൾ ഇ​ന്ത്യ​ൻ സൈ​ന്യം എ​ങ്ങ​നെ ന​ശി​പ്പി​ച്ചു​വെ​ന്ന് ലോ​കം ക​ണ്ട​താ​ണ്.

‘പ​ക​ൽ ന​ക്ഷ​ത്ര​മെ​ണ്ണു​ക’ എ​ന്നൊ​രു ചൊ​ല്ലു​ണ്ട്. ഇ​ന്ത്യ​യു​ടെ ബ്ര​ഹ്മോ​സ് മി​സൈ​ൽ അ​ർ​ധ​രാ​ത്രി​യി​ൽ പാ​കി​സ്താ​ന് പ​ക​ൽ​വെ​ട്ടം കാ​ണി​ച്ചു​കൊ​ടു​ത്തു. പാ​കി​സ്താ​ൻ ഇ​ന്ത്യ​ൻ നി​രീ​ക്ഷ​ണ​ത്തി​ലാ​ണ്. പെ​രു​മാ​റ്റം മെ​ച്ച​പ്പെ​ട്ടാ​ൽ അ​വ​ർ​ക്ക് ന​ന്ന്. അ​ല്ലെ​ങ്കി​ൽ മു​ഴു​വ​ൻ ചി​ത്ര​വും​ ലോ​ക​ത്തെ കാ​ണി​ക്കും. അ​ന്താ​രാ​ഷ്ട്ര നാ​ണ​യ​നി​ധി​യി​ൽ​നി​ന്ന് ല​ഭി​ക്കു​ന്ന ഫ​ണ്ടി​ന്റെ വ​ലി​യൊ​രു ഭാ​ഗം പാ​കി​സ്താ​ൻ തീ​വ്ര​വാ​ദ പ്ര​വ​ർ​ത്ത​ന​ങ്ങ​ൾ​ക്കാ​യി ചെ​ല​വ​ഴി​ക്കു​ന്നെ​ന്നാ​ണ് ക​രു​തു​ന്ന​ത്. ധ​ന​സ​ഹാ​യം സം​ബ​ന്ധി​ച്ച് അ​ന്താ​രാ​ഷ്ട്ര നാ​ണ​യ​നി​ധി (ഐ.​എം.​എ​ഫ്) പു​ന​ർ​വി​ചി​ന്ത​നം ന​ട​ത്ത​ണ​മെ​ന്നാ​ണ് ഇ​ന്ത്യ ആ​ഗ്ര​ഹി​ക്കു​ന്ന​ത്’’-​രാ​ജ്നാ​ഥ് സി​ങ് പ​റ​ഞ്ഞു.

സി​ന്ധു ന​ദീ​ജ​ല ക​രാ​ർ: ന​ട​പ​ടി പു​നഃ​പ​രി​ശോധ​ന ഇല്ല- മ​ന്ത്രാ​ല​യം

ന്യൂ​ഡ​ൽ​ഹി: അ​തി​ർ​ത്തി ക​ട​ന്നു​ള്ള ഭീ​ക​ര​വാ​ദ​ത്തി​ന് പാ​കി​സ്താ​ൻ പി​ന്തു​ണ അ​വ​സാ​നി​പ്പി​ക്കു​ന്ന​തു​വ​രെ സി​ന്ധു ന​ദീ​ജ​ല ക​രാ​ർ നി​ർ​ത്തി​യ ന​ട​പ​ടി തു​ട​രു​മെ​ന്ന് കേ​ന്ദ്ര ജ​ല​ശ​ക്തി മ​ന്ത്രാ​ല​യം കാ​ബി​ന​റ്റ് സെ​ക്ര​ട്ട​റി​യെ അ​റി​യി​ച്ചു.

ജ​ല​വി​ഭ​വ, ​​ന​ദീ വി​ക​സ​ന, ഗം​ഗാ പു​ന​രു​ജ്ജീ​വ​ന വ​കു​പ്പ് സെ​ക്ര​ട്ട​റി ദേ​ബ​ശ്രീ മു​ഖ​ർ​ജി ചൊ​വ്വാ​ഴ്ച കാ​ബി​ന​റ്റ് സെ​ക്ര​ട്ട​റി ടി.​വി. സോ​മ​നാ​ഥ​ന് ന​ൽ​കി​യ പ്ര​തി​മാ​സ റി​പ്പോ​ർ​ട്ടി​ലാ​ണ് ഇ​ക്കാ​ര്യ​മു​ള്ള​ത്. പ​ഹ​ൽ​ഗാ​മി​ൽ സാ​ധാ​ര​ണ​ക്കാ​ർ​​ക്കെ​തി​രെ പാ​ക് പി​ന്തു​ണ​യോ​ടെ ന​ട​ന്ന ഭീ​ക​രാ​ക്ര​മ​ണ​ത്തെ​ത്തു​ട​ർ​ന്നാ​ണ് ക​രാ​ർ ഉ​ട​ന​ടി നി​ർ​ത്തി​വെ​ക്കു​മെ​ന്ന് സ​ർ​ക്കാ​ർ പ്ര​ഖ്യാ​പി​ച്ച​ത്. അ​തേ​സ​മ​യം, ഇ​ന്ത്യ ഉ​ന്ന​യി​ച്ച എ​തി​ർ​പ്പു​ക​ൾ ച​ർ​ച്ച ചെ​യ്യാ​ൻ പാ​ക് സ​ർ​ക്കാ​ർ സ​ന്ന​ദ്ധ​ത പ്ര​ക​ടി​പ്പി​ച്ച​താ​യി പാ​കി​സ്താ​ൻ ജ​ല​വി​ഭ​വ സെ​ക്ര​ട്ട​റി സ​യ്യി​ദ് അ​ലി മു​ർ​താ​സ പ​റ​ഞ്ഞ​താ​യി റി​പ്പോ​ർ​ട്ടു​ണ്ട്.