ന്യൂഡല്ഹി: ഡല്ഹിയിൽ നടക്കുന്ന അന്താരാഷ്ട്ര പുസ്തകമേളയില് സൗജന്യ ബൈബിള് വിതരണം നടത്തിയെന്നാരോപിച്ച് പുസ്തക സ്റ്റാളിൽ പ്രതിഷേധം. ഗിദിയോണ്സ് ഇന്റര്നാഷനല് എന്ന ക്രൈസ്തവ സംഘടനയുടെ പുസ്തക സ്റ്റാളിലാണ് ഹിന്ദു യുനൈറ്റഡ് ഫ്രണ്ട് എന്ന സംഘടനയുടെ പേരിൽ ഒരു സംഘം എത്തിയത്.
സൗജന്യ ബൈബിള് വിതരണം നിര്ത്തുക എന്നാക്രോശിച്ച് എത്തിയ ഇവര് ജയ്ശ്രീരാം എന്നു വിളിച്ചതായും ഗിദിയോണ് ഇന്റര്നാഷനലിന്റെ പ്രവര്ത്തകന് ഡേവിഡ് ഫിലിപ്പ് പറഞ്ഞു. പത്തു വര്ഷമായി ഡല്ഹി അന്താരാഷ്ട്ര പുസ്തകോത്സവത്തില് തങ്ങൾ പുസ്തക സ്റ്റാള് ഒരുക്കുന്നുണ്ട്. ഇത്തരത്തില് ഒരു സംഭവം ഉണ്ടാകുന്നത് ആദ്യമായാണ്. മറ്റെല്ലാ പുസ്തക സ്റ്റാളുകളിലും വെച്ചിരിക്കുന്നതുപോലെയാണ് ബൈബിള് സൗജന്യമായി ലഭിക്കും എന്ന പോസ്റ്റര് സ്റ്റാളില് പതിച്ചിരുന്നത്.
എന്നാല്, മതപരിവര്ത്തനം നടത്തുന്നു എന്നാരോപിച്ചാണ് ആക്രമി സംഘം പോസ്റ്റര് വലിച്ചുകീറി എറിഞ്ഞതെന്നും ഡേവിഡ് ഫിലിപ്പ് പറഞ്ഞു. പൊലീസ് സ്ഥലത്തെത്തി പരാതി നല്കാന് ആവശ്യപ്പെട്ടിരുന്നു. എന്നാല്, തന്റെ മേലധികാരികളുടെ നിര്ദേശ പ്രകാരം പൊലീസ് നടപടികളിലേക്ക് പോകേണ്ടെന്നു തീരുമാനിക്കുകയായിരുന്നു എന്നും അദ്ദേഹം വ്യക്തമാക്കി.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.