പെട്രോൾ പമ്പുകൾ 13ന്​ അടച്ചിടും

ന്യൂഡൽഹി: രാജ്യത്തെ 54,000 പെട്രോൾ പമ്പുകൾ ഒക്​ടോബർ 13ന്​ അടച്ചിടും. എണ്ണക്കമ്പനികളുമായി ഒപ്പിട്ട കരാർ നടപ്പാക്കുക, വിപണി നിയന്ത്രണചട്ടത്തിനുകീഴിലുള്ള ന്യായരഹിത പിഴകൾ ഒഴിവാക്കുക തുടങ്ങിയ ആവശ്യങ്ങളുന്നയിച്ചാണ്​ പ്രതിഷേധം. പെട്രോൾ വിൽപനക്കാരുടെ സംയുക്​തസംഘടനയായ യുനൈറ്റഡ്​ പെട്രോളിയം ഫ്രണ്ടി​​​െൻറ ആദ്യയോഗത്തിലാണ്​ തീരുമാനമെടുത്തതെന്ന്​ ഫെഡറേഷൻ ഒാഫ്​ മഹാരാഷ്​ട്ര പെട്രോൾ ഡീലേഴ്​സ്​ അസോസിയേഷൻ പ്രസിഡൻറ്​ ഉദയ്​ ലോധ്​ അറിയിച്ചു.

ആവശ്യങ്ങൾ അംഗീകരിച്ചില്ലെങ്കിൽ ഒക്​ടോബർ 27 മുതൽ ദേശീയതലത്തിൽ അനിശ്ചിതകാല സമരം നടത്തും. എണ്ണവില പ്രതിദിനം മാറുന്നതും പെട്രോളിയം ഉൽപന്നങ്ങളെ ജി.എസ്​.ടിക്ക്​ കീഴിൽ ഉൾപ്പെടുത്തിയതും ഉപഭോക്​താക്കൾക്കും കച്ചവടക്കാർക്കുമുണ്ടാക്കുന്ന നഷ്​ടത്തിലും യുനൈറ്റഡ്​ പെട്രോളിയം ഫ്രണ്ട്​ ആശങ്കയറിയിച്ചു.