കണ്ണടച്ചാൽ വംശവെറിയുടെ മർദനപ്പാടുകൾ മാത്രം; ചികിത്സ തേടി യു.പി ബാലൻ

ല​ഖ്നോ/​മു​സ​ഫ​ർ​ന​ഗ​ർ: ആ​ക്രോ​ശി​ക്കു​ന്ന അ​ധ്യാ​പി​ക​യു​ടെ നി​ർ​ദേ​ശ​പ്ര​കാ​രം മു​ഖ​ത്തും ശ​രീ​ര​ത്തി​ലും സ​ഹ​പാ​ഠി​ക​ളു​ടെ കൈ​ക​ൾ ആ​ഞ്ഞു​പ​തി​ച്ച യു.​പി​യി​ലെ ര​ണ്ടാം​ക്ലാ​സു​കാ​ര​നാ​യ മു​സ്‍ലിം വി​ദ്യാ​ർ​ഥി ക​ടു​ത്ത മാ​ന​സി​ക സ​മ്മ​ർ​ദ​ത്തി​ൽ.

ഉ​റ​ങ്ങാ​ൻ​പോ​ലും ക​ഴി​യാ​താ​യ​തോ​ടെ കു​ട്ടി​യെ ബ​ന്ധു​ക്ക​ൾ മീ​റ​ത്തി​ലെ ആ​ശു​പ​ത്രി​യി​ൽ പ്ര​വേ​ശി​പ്പി​ച്ചു. പ​രി​ശോ​ധ​ന​ക​ൾ​ക്കു​ശേ​ഷം കു​ട്ടി വീ​ട്ടി​ൽ തി​രി​ച്ചെ​ത്തി​യ​താ​യും ര​ക്ഷി​താ​ക്ക​ൾ പ​റ​ഞ്ഞു. ‘‘മാ​ന​സി​ക​പ്ര​യാ​സം നേ​രി​ടു​ന്നു​വെ​ന്നും ഉ​റ​ക്കം ന​ഷ്ട​പ്പെ​ടു​ന്നു​വെ​ന്നു​മു​ള്ള പ​രാ​തി​യു​ടെ അ​ടി​സ്ഥാ​ന​ത്തി​ലാ​ണ് ആ​​ശു​പ​ത്രി​യി​ൽ എ​ത്തി​ച്ച​ത്. കു​ട്ടി​യു​ടെ ആ​രോ​ഗ്യ​നി​ല സാ​ധാ​ര​ണ​നി​ല​യി​ലേ​ക്ക് വ​ന്നു​​കൊ​ണ്ടി​രി​ക്കു​ക​യാ​ണെ​ന്ന് ഡോ​ക്ട​ർ പ​റ​ഞ്ഞു. അ​തേ​സ​മ​യം, ഖു​ബ്ബാ​പു​രി​ലെ നേ​ഹ പ​ബ്ലി​ക് സ്കൂ​ൾ അ​ട​ച്ചു​പൂ​ട്ടി​യി​ട്ടി​ല്ലെ​ന്നും സാ​ധാ​ര​ണ അ​ധ്യ​യ​നം തു​ട​രു​മെ​ന്നും അ​ധി​കൃ​ത​ർ വി​ശ​ദീ​ക​രി​ച്ചു.

അം​ഗീ​കാ​രം സം​ബ​ന്ധി​ച്ചു​ള്ള വി​ശ​ദീ​ക​ര​ണം ചോ​ദി​ക്കു​ക​യാ​ണു​ണ്ടാ​യ​തെ​ന്നും അ​ധി​കൃ​ത​ർ കൂ​ട്ടി​ച്ചേ​ർ​ത്തു. എ​ന്നാ​ൽ, സ്കൂ​ൾ തി​ങ്ക​ളാ​ഴ്ച​യും പ്ര​വ​ർ​ത്തി​ച്ചി​ല്ല. ഇ​തി​നി​ടെ, കു​റ്റാ​രോ​പി​ത​യാ​യ അ​ധ്യാ​പി​ക​യു​മാ​യി ഒ​ത്തു​തീ​ർ​പ്പി​നി​ല്ലെ​ന്നും ഇ​വി​ടെ പ​ഠ​നം തു​ട​രാ​ൻ താ​ൽ​പ​ര്യ​മി​ല്ലെ​ന്നും പി​താ​വ് വ്യ​ക്ത​മാ​ക്കി. തു​ട​ർ​ന്ന് കു​ട്ടി ഏ​താ​നും കി​ലോ​മീ​റ്റ​ർ അ​ക​ലെ ഷാ​പു​ർ പ​ട്ട​ണ​ത്തി​ലെ മ​റ്റൊ​രു സ്വ​കാ​ര്യ സ്കൂ​ളി​ലേ​ക്ക് മാ​റി​യ​താ​യി കു​ട്ടി​യു​ടെ പ​ഠ​നം ഏ​റ്റെ​ടു​ത്ത ജം​ഇ​യ്യ​ത്തു​ൽ ഉ​ല​മാ​യെ ഹി​ന്ദ് അ​റി​യി​ച്ചു.

തി​ങ്ക​ളാ​ഴ്ച പു​തി​യ സ്കൂ​ളി​ലെ​ത്തി​യ കു​ട്ടി​യു​ടെ പി​താ​വ് പ്ര​വേ​ശ​ന ന​ട​പ​ടി​ക​ൾ പൂ​ർ​ത്തീ​ക​രി​ച്ചു. കു​ട്ടി​യെ കൊ​ണ്ടു​പോ​കാ​നും തി​രി​ച്ചു​കൊ​ണ്ടു​വ​രാ​നും വാ​ട​ക വാ​ഹ​ന​വും ഏ​ർ​പ്പാ​ടാ​ക്കി​യി​ട്ടു​ണ്ട്.

ഇ​തി​നി​ടെ, കു​റ്റാ​രോ​പി​ത​യാ​യ അ​ധ്യാ​പി​ക അ​തേ സ്കൂ​ളി​ൽ തു​ട​രു​മോ എ​ന്ന ചോ​ദ്യ​ത്തി​ന്, കേ​സി​ന്റെ വി​വ​ര​ങ്ങ​ൾ​ക്ക് അ​നു​സ​രി​ച്ചാ​ണ് ഇ​ക്കാ​ര്യം തീ​രു​മാ​നി​ക്കു​ക​യെ​ന്ന് പൊ​ലീ​സ് പ​റ​ഞ്ഞു.