ലക്നോ: അയോധ്യയിൽ രാമക്ഷേത്രം നിർമിക്കുന്നതിന് മുസ്ലിംകൾ അനുകൂലമാണെന്ന് യു.പി മുഖ്യമന്ത്രി യോഗി ആദിത്യനാഥ്. ഇടവേളക്ക് ശേഷം വീണ്ടും രാമക്ഷേത്രം വിഷയം ഇന്ത്യൻ രാഷ്ട്രീയ രംഗത്ത് സജീവ ചർച്ചയാക്കാനുള്ള ശ്രമങ്ങളാണ് ബി.ജെ.പി നടത്തുന്നത്. ഇതിെൻറ ഭാഗമായാണ് യു.പി മുഖ്യമന്ത്രി യോഗി ആദിത്യനാഥ് അയോധ്യയിൽ ഇന്ന് സന്ദർശനം നടത്തിയതെന്നാണ് സൂചന.
മുസ്ലിം സമുദായത്തിലെ ഒരു വിഭാഗം ജനങ്ങൾ ക്ഷേത്ര നിർമാണത്തിന് അനുകൂലമാണ്. ഇക്കാര്യത്തിൽ ചർച്ചയിലൂടെ പ്രശ്ന പരിഹാരം കാണുകയാണ് നല്ലത്. അതിന് അനുയോജ്യമായ സമയമാണ് ഇതെന്നും ആദിത്യനാഥ് പറഞ്ഞു. ഇക്കാര്യത്തിൽ ഏതു വിധത്തിലുമുള്ള ഇടപെടലുകൾക്കും യു.പി സർക്കാർ തയാറാണെന്നും അദ്ദേഹം അറിയിച്ചു.
ബാബറി മസ്ജിദ് തകർത്തതുമായി ബന്ധപ്പെട്ട ഗൂഢാലോചന കേസിൽ ബി.ജെ.പി നേതാക്കളായ എൽ.കെ അദ്വാനി, ഉമഭാരതി എന്നിവർ ചൊവ്വാഴ്ച കോടതിയിൽ ഹാജരായിരുന്നു. ഇവരെ പൂച്ചെണ്ട് നൽകി സ്വീകരിച്ച യോഗി ആദിത്യനാഥിെൻറ നടപടിയും വിവാദമായിരുന്നു. ഇതിന് പിന്നാലെയാണ് യോഗി അയോധ്യയിൽ സന്ദർശനം നടത്തിയിരിക്കുന്നത്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.