ന്യൂഡൽഹി: പാകിസ്താൻ തെരഞ്ഞെടുപ്പിൽ ഏറ്റവും വലിയ ഒറ്റകക്ഷിയായി മാറിയ പി.ടി.െഎ നേതാവ് ഇംറാൻ ഖാന് ആശംസകളുമായി ക്രിക്കറ്റ് താരവും കോൺഗ്രസ് നേതാവുമായ അസറുദ്ദീൻ. പാകിസ്താൻ ക്രിക്കറ്റ് ടീമിനായി മൈതാനത്ത് എടുത്ത പോലെ ധീരമായ തീരുമാനങ്ങളെടുക്കാൻ അദ്ദേഹത്തിന് കഴിയെട്ട എന്ന് അസറുദ്ദീൻ ആശംസിച്ചു.
പാകിസ്താൻ ക്രിക്കറ്റ് ടീമിനായി ഇംറാൻ എടുത്ത തീരുമാനങ്ങൾ പോസിറ്റീവും ധീരവുമായിരുന്നെന്ന് അസറുദ്ദീൻ പറഞ്ഞു. അങ്ങനെയുള്ള ഒരാൾക്ക് പാകിസ്താനെ നയിക്കാനുള്ള അർഹതയുണ്ട്. എന്തുസംഭവിക്കുമെന്ന് കാത്തിരുന്ന് കാണാം. ക്രിക്കറ്റ് ടീമിനെ നയിക്കുന്നതും രാജ്യത്തെ നയിക്കുന്നതും തീർത്തും വ്യത്യസ്തമാണെന്നും മുൻ ഇന്ത്യൻ ക്രിക്കറ്റ് താരം വ്യക്തമാക്കി.
ഇന്ത്യയും പാകിസ്താനും തമ്മിൽ ഇപ്പോൾ ചില പ്രശ്നങ്ങൾ നിലനിൽക്കുന്നുണ്ട്. അത് അവസാനിച്ചെങ്കിൽ മാത്രമേ ഇരു രാജ്യങ്ങളും തമ്മിലുള്ള ചർച്ച സാധ്യമാകു എന്നും അസറുദ്ദീൻ പറഞ്ഞു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.