ന്യൂഡൽഹി: മോദിയുടെ പേരിലുള്ള വെബ് പരമ്പരക്കും തെരഞ്ഞെടുപ്പ് കമീഷൻ വിലക്ക് ഏർപ്പെടുത്തി. കിഷോർ മക്വാന എ ഴുതിയ ‘മോദി: കോമൺ മാൻസ് പി.എം’ എന്ന പുസ്തകത്തെ ആധാരമാക്കി ഉമേഷ് ശുക്ള സംവിധാനം ചെയ്ത ‘മോദി: ജേർണി ഒാഫ് എ കോമൺ മാൻ’ എന്ന വെബ് പരമ്പരക്കാണ് വിലക്ക്.
നേരത്തെ നമോ ടി.വിക്കും ‘പി.എം നരേന്ദ്ര മോദി’ സിനിമക്കും തെരഞ്ഞെടുപ്പ് കഴിയുംവരെ വിലക്ക് ഏർപ്പെടുത്തിയിരുന്നു. 10 ഉപകഥകളായുള്ള വെബ് പരമ്പര ഇത്രയും ദിവസം പ്രദർശിപ്പിച്ചിരുന്നു. പ്രതീക്ഷിച്ചതിൽ ഏറെ സ്വീകാര്യതയാണ് പരമ്പരക്ക് ലഭിച്ചതെന്നാണ് സംവിധായകൻ ഉമേഷ് ശുക്ള അവകാശപ്പെട്ടത്. ദൈവത്തിന് എതിരെ പരാതി നൽകുന്ന കഥയായ ‘ഒാ മൈ ഗോഡ്’ എന്ന ബോളിവുഡ് ചിത്രത്തിന്റെ സംവിധായകനാണ് ഉമേഷ് ശുക്ല.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.