മോദിയുടെ ഇൗഗോ തൃപ്​തിപ്പെടുത്താൻ സർ എന്ന്​ വിളി​ക്കേണ്ടി വന്നു- ചന്ദ്രബാബു നായിഡു

അമരാവതി: രാഷ്​ട്രീയത്തിൽ ത​​​െൻറ ജൂനിയറായിട്ടും മോദിയുടെ ഇൗഗോയെ തൃപ്​തിപ്പെടുത്താനായി അദ്ദേഹത്തെ സർ എന്ന്​ വിളിക്കേണ്ടി വന്നുവെന്ന്​ ആന്ധ്ര മുഖ്യമന്ത്രി ചന്ദ്രബാബു നായിഡു. ആന്ധ്രക്ക്​ വേണ്ടിയാണ്​ താൻ മോദിയെ സർ എന്ന്​ വിളിക്കാൻ നിർബന്ധിതനായതെന്നും നായിഡു പറഞ്ഞു. ആന്ധ്രക്ക്​ പ്രത്യേക പദവി ലഭിക്കുന്നതിന്​ സാധ്യമായതെല്ലാം താൻ ചെയ്​തിട്ടുണ്ടെന്നും അദ്ദേഹം സർവ കക്ഷിയോഗത്തിൽ അറിയിച്ചു.

ഞാൻ യു.എസ്​ മുൻ പ്രസിഡൻറ്​ ബിൽ ക്ലിൻറനെ കണ്ടപ്പോൾ അദ്ദേഹത്തെ മിസ്​റ്റർ ക്ലിൻറൺ എന്നാണ്​ അഭിസംബോധന ചെയ്തത്​. മോദി രാഷ്​ട്രീയത്തിൽ എ​​​െൻറ ജൂനിയറാണ്​. എന്നാൽ അദ്ദേഹം അധികാരത്തിലെത്തിയപ്പോൾ ഞാൻ അദ്ദേഹത്തെ പത്തു തവണ സർ എന്ന്​ വിളിച്ചിട്ടുണ്ട്​. ഇത്​ ​ആന്ധ്രയുടെ ഗുണത്തിന്​ വേണ്ടിയായിരുന്നു ചെയ്​തത്​. മോദിയുടെ ഇൗഗോയെ തൃപ്​തിപ്പെടുത്തിയാൽ എ​​​െൻറ സംസ്​ഥാനത്തോട്​ നീതി പുലർത്താൻ സാധിക്കുമെന്ന്​ പ്രതീക്ഷിച്ചു - ചന്ദ്ര ബാബു നായിഡു പറഞ്ഞു.

കേന്ദ്രത്തി​ലെ മോദി സർക്കാർ ആന്ധ്രയോട്​ നീതി കാണിക്കുമെന്ന്​ കരുതുന്നില്ലെന്നും നായിഡു വ്യക്​തമാക്കി. ഗുജറാത്ത്​ കലാപകാലത്ത്​ മോദി ഗുജറാത്ത്​ മുഖ്യമന്ത്രി സ്​ഥാനം ഒഴിയണമെന്ന്​ താൻ ആവശ്യപ്പെട്ടിരുന്നു. അതാകാം ആന്ധ്രയോട്​ കാണിക്കുന്ന പ​ക്ഷപാതത്തിന്​ കാരണമെന്നും നായിഡു​ കൂട്ടിച്ചേർത്തു.