മണിപ്പൂർ വീണ്ടും സംഘർഷ ഭീതിയിൽ; കുക്കി മേഖലകളിൽ ബന്ദ് പൂർണം

ഇം​ഫാ​ൽ: കു​​ക്കി വി​​ഭാ​​ഗ​​വും സു​​ര​​ക്ഷ​​സേ​​ന​​യും ഏ​റ്റു​മു​ട്ട​ലു​ണ്ടാ​യ മ​ണി​പ്പൂ​രി​ലെ കാ​ങ്‌​പോ​ക്പി ജി​ല്ല​യി​ല​ട​ക്കം കു​ക്കി മേ​ഖ​ല​ക​ളി​ൽ തു​ട​ങ്ങി​യ അ​നി​ശ്ചി​ത​കാ​ല ബ​ന്ദ് സാ​ധാ​ര​ണ ജീ​വി​ത​ത്തെ ബാ​ധി​ച്ചു.

കേ​​ന്ദ്ര സ​​ർ​​ക്കാ​​ർ നി​​ർ​​ദേ​​ശ​​പ്ര​​കാ​​രം ബ​​സ് സ​​ർ​​വി​​സ് പു​​ന​​രാ​​രം​​ഭി​​ച്ച​​തി​​ന് പി​​ന്നാ​​ലെ ശ​നി​യാ​ഴ്ച സു​ര​ക്ഷാ സേ​ന​യു​മാ​യു​ള്ള ഏ​റ്റു​മു​ട്ട​ലി​ൽ കു​ക്കി പ്ര​തി​ഷേ​ധ​ക്കാ​രി​ലൊ​രാ​ൾ കൊ​ല്ല​പ്പെ​ട്ടി​രു​ന്നു. സ്ത്രീ​ക​ളും പൊ​ലീ​സു​കാ​രു​മു​ൾ​പ്പെ​ടെ 40 ല​ധി​കം പേ​ർ​ക്ക് പ​രി​ക്കേ​ൽ​ക്കു​ക​യും ചെ​യ്തി​രു​ന്നു. സു​ര​ക്ഷാ​സേ​ന​യു​ടെ അ​ടി​ച്ച​മ​ർ​ത്ത​ലി​നെ​തി​രെ കു​ക്കി-​സോ വി​ഭാ​ഗ​മാ​ണ് ബ​ന്ദി​ന് ആ​ഹ്വാ​നം ചെ​യ്ത​ത്.

കേ​​ന്ദ്ര ആ​​ഭ്യ​​ന്ത​​ര മ​​ന്ത്രി അ​​മി​​ത് ഷാ​​യു​​ടെ നി​​ർ​​ദേ​​ശ​​പ്ര​​കാ​​രം ‘സ്വ​​ത​​ന്ത്ര സ​​ഞ്ചാ​​രം’ പ്ര​​ഖ്യാ​​പി​​ച്ച​​തി​​നെ​​തു​​ട​​ർ​​ന്ന് ഇം​​ഫാ​​ൽ-​​സേ​​നാ​​പ​​തി റൂ​​ട്ടി​​ലും ഇം​​ഫാ​​ൽ-​​ചു​​രാ​​ച​​ന്ദ്പൂ​​ർ പാ​​ത​​യി​​ലും തു​ട​ങ്ങി​യ ബ​സ് സ​ർ​വി​സാ​ണ് കു​ക്കി വി​ഭാ​ഗ​ക്കാ​ർ ത​ട​ഞ്ഞ​ത്. പ്ര​​ധാ​​ന റൂ​​ട്ടു​​ക​​ളി​​ൽ ബി.​​എ​​സ്.​​എ​​ഫി​​ന്റെ​​യും സി.​​ആ​​ർ.​​പി.​​എ​​ഫി​​ന്റെ​​യും സു​​ര​​ക്ഷ​​യോ​​ടെ​​യാ​​ണ് ബ​​സ് സ​​ർ​​വി​​സ് തു​​ട​​ങ്ങി​​യ​​ത്. സം​ഘ​ർ​ഷ പ്ര​ദേ​ശ​ങ്ങ​ളി​ൽ കൂ​ടു​ത​ൽ സു​ര​ക്ഷാ​സേ​ന​യെ വി​ന്യ​സി​ച്ചി​ട്ടു​ണ്ട്. ക്ര​മ​സ​മാ​ധാ​നം ഉ​റ​പ്പാ​ക്കാ​ൻ വാ​ഹ​ന പ​ട്രോ​ളി​ങ്ങും ന​ട​ത്തു​ന്നു​ണ്ടെ​ന്ന് ഉ​ദ്യോ​ഗ​സ്ഥ​ർ പ​റ​ഞ്ഞു. ശ​നി​യാ​ഴ്ച രാ​ത്രി വൈ​കി​യും പ്ര​തി​ഷേ​ധ​ക്കാ​ർ സു​ര​ക്ഷാ​സേ​ന​യു​മാ​യി ഏ​റ്റു​മു​ട്ടി. സു​ര​ക്ഷാ​സേ​ന​ക്കെ​തി​രെ പ്ര​ക്ഷോ​ഭ​ക​ർ ക​വ​ണ ഉ​പ​യോ​ഗി​ച്ച് ക​ല്ലു​ക​ൾ എ​യ്ത​താ​യും സു​ര​ക്ഷാ​സേ​ന​യു​ടെ അ​ഞ്ച് വാ​ഹ​ന​ങ്ങ​ളു​ടെ മു​ൻ​വ​ശം ത​ക​ർ​ന്ന​താ​യും അ​ധി​കൃ​ത​ർ പ​റ​ഞ്ഞു. കു​ക്കി സോ ​കൗ​ൺ​സി​ൽ ആ​ഹ്വാ​നം ചെ​യ്ത അ​നി​ശ്ചി​ത​കാ​ല ബ​ന്ദി​ന് കു​ക്കി-​സോ സം​ഘ​ട​ന​യാ​യ ഇ​ൻ​ഡി​ജെ​ന​സ് ട്രൈ​ബ​ൽ ലീ​ഡേ​ഴ്‌​സ് ഫോ​റം പി​ന്തു​ണ അ​റി​യി​ച്ചു. സു​ര​ക്ഷാ​സേ​ന പ്ര​തി​ഷേ​ധ​ക്കാ​ർ​ക്കെ​തി​രെ അ​മി​ത​മാ​യ ബ​ല​പ്ര​യോ​ഗം ന​ട​ത്തി​യെ​ന്ന് സം​ഘ​ട​ന ആ​രോ​പി​ച്ചു.

കു​ക്കി പ്ര​തി​ഷേ​ധ​ക്കാ​രു​ടെ ആ​ക്ര​മ​ണ​ങ്ങ​ളി​ൽ 27 സു​ര​ക്ഷാ ഉ​ദ്യോ​ഗ​സ്ഥ​ർ​ക്ക് പ​രി​ക്കേ​റ്റ​താ​യും കൂ​റ്റ​ൻ പാ​റ​ക​ൾ സ്ഥാ​പി​ച്ച് റോ​ഡു​ക​ൾ ത​ട​ഞ്ഞ​താ​യും മ​ണി​പ്പൂ​ർ പൊ​ലീ​സ് ഒ​രു പ്ര​സ്താ​വ​ന​യി​ൽ പ​റ​ഞ്ഞു. സു​ര​ക്ഷാ​സേ​ന​ക്കു​നേ​രെ വെ​ടി​യു​തി​ർ​ത്തെ​ന്നും പൊ​ലീ​സ് പ​റ​ഞ്ഞു. ര​ണ്ട് സു​ര​ക്ഷ ഉ​ദ്യോ​ഗ​സ്ഥ​രു​ടെ പ​രി​ക്ക് ഗു​രു​ത​ര​മാ​ണ്. മെ​യ്തി സം​ഘ​ട​ന​യാ​യ ഫെ​ഡ​റേ​ഷ​ൻ ഓ​ഫ് സി​വി​ൽ സൊ​സൈ​റ്റി ന​ട​ത്തി​യ സ​മാ​ധാ​ന മാ​ർ​ച്ചി​നെ​തി​രെ​യും പ്ര​തി​ഷേ​ധം ഉ​യ​ർ​ന്നു.

പ​ത്തി​ല​ധി​കം വാ​ഹ​ന​ങ്ങ​ൾ ഉ​ൾ​പ്പെ​ട്ട ജാ​ഥ കാ​ങ്‌​പോ​ക്പി ജി​ല്ല​യി​ൽ എ​ത്തു​ന്ന​തി​ന് മു​മ്പ് സെ​ക്മാ​യി​യി​ൽ സു​ര​ക്ഷാ​സേ​ന ത​ട​ഞ്ഞു. അ​നു​മ​തി ഇ​ല്ലാ​ത്ത​തി​നാ​ൽ ജാ​ഥ നി​ർ​ത്തി​യ​താ​യി പൊ​ലീ​സ് അ​വ​കാ​ശ​പ്പെ​ട്ടു.