ന്യൂഡൽഹി: െഎ.എൻ.എക്സ് മീഡിയ കള്ളപ്പണം വെളുപ്പിക്കൽ കേസിൽ മുൻ ധനമന്ത്രി പി. ചിദംബരത്തെ ആഗസ്റ്റ് ഒന്നുവരെ എൻഫോഴ്സ്മെൻറ് ഡയറക്ടറേറ്റ് അറസ്റ്റ് ചെയ്യരുതെന്ന് ഡൽഹി ഹൈകോടതി. കോടതിയുടെ അനുമതിയില്ലാതെ രാജ്യം വിടരുതെന്നും അന്വേഷണവുമായി സഹകരിക്കണമെന്നും ജസ്റ്റിസ് കെ. പഥക് ചിദംബരത്തോട് നിർദേശിച്ചു. തന്നെ അറസ്റ്റ് ചെയ്യുമെന്ന് ഭയക്കുന്നതായി ചിദംബരം മുൻകൂർ ഹരജിയിൽ ബോധിപ്പിച്ചിരുന്നു. െഎ.എൻ.എക്സ് മീഡിയ കേസിൽ എൻഫോഴ്സ്മെൻറും സി.ബി.െഎയും കുറ്റം ചുമത്തിയതിനെതിരെ ചിദംബരം നൽകിയ മുൻകൂർ ജാമ്യഹരജി ആഗസ്റ്റ് ഒന്നിന് ഹൈകോടതി പരിഗണിക്കും.
സി.ബി.െഎ അന്വേഷിക്കുന്ന എയർസെൽ-മാക്സിസ് കേസിൽ ആഗസ്റ്റ് ഏഴുവരെ ചിദംബരത്തെ അറസ്റ്റ് ചെയ്യരുതെന്ന് പ്രത്യേക സി.ബി.െഎ കോടതി ജഡ്ജി ഒ.പി. സെയ്നി നേരത്തെ ഉത്തരവിട്ടിരുന്നു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.