ന്യൂഡൽഹി: രാജ്യത്ത് കോവിഡ് മരണം 8000 കടന്നു. 24 മണിക്കൂറിനിടെ 387 പേർ കൂടി മരിക്കുകയും 12,151 പേർക്ക് രോഗം സ്ഥിരീകരിക്കുകയും ചെയ്തു. ഇതോടെ ആകെ കോവിഡ് കേസുകളുടെ എണ്ണം 2.85 ലക്ഷം ആയി. ലോകത്ത് കൊറോണ വൈറസ് ഏറ്റവും കൂടുതൽ ബാധിച്ച രാജ്യങ്ങളിൽ ഇന്ത്യ നിലവിൽ ആറാം സ്ഥാനത്താണ്. അമേരിക്കയും ബ്രസീലും റഷ്യയും ബ്രിട്ടനും സ്പെയിനുമാണ് ഇന്ത്യക്ക് മുമ്പിലുള്ളത്.
മഹാരാഷ്ട്രയിൽ കോവിഡ് കേസുകളുടെയും മരണങ്ങളുടെയും കുതിപ്പ് തുടരുകയാണ്. ഇന്ന് 3254 പുതിയ രോഗികളും 149 മരണവുമാണ് റിപ്പോർട്ട് ചെയ്യപ്പെട്ടത്. പ്രതിദിനം റിപ്പോർട്ട് ചെയ്യപ്പെടുന്ന ഏറ്റവും ഉയർന്ന നിരക്കാണിത്. നിലവിൽ സംസ്ഥാനത്ത് 94,041 കോവിഡ് കേസുകളാണുള്ളത്. 3,438 പേർ മരിക്കുകയും ചെയ്തു.
തമിഴ്നാട്ടിലും ന്യൂഡൽഹിയിലും സ്ഥിതി സമാനമാണ്. 1927 പുതിയ രോഗികളും 19 മരണവുമാണ് തമിഴ്നാട്ടിൽ ഇന്ന് റിപ്പോർട്ട് ചെയ്തത്. ഒരാഴ്ചയ്ക്കിടെ കേരളത്തിെൻറ അയൽസംസ്ഥാനത്ത് കോവിഡ് സ്ഥിരീകരിച്ചത് 14,508 പേർക്കാണ്.
രാജ്യതലസ്ഥാനമായ ഡൽഹിയിൽ 1501 പുതിയ രോഗികൾ കൂടിയായതോടെ ആകെ കേസുകൾ 32,810 ആയി. ഇന്ന് 48 പേരാണ് വൈറസ് ബാധയേറ്റ് മരിച്ചത്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.