ഹൈദരാബാദ്: ഒമ്പത് വയസുള്ള മകനെ കാമുകന് ലൈംഗികമായി ചൂഷണം ചെയ്യാൻ അവസരമൊരുക്കിയ അമ്മക്ക് 13 വർഷം തടവ്. കുട്ടിയുടെ അച്ഛൻെറ പരാതിയിൽ രജിസ്റ്റർ ചെയ്ത കേസിലാണ് നടപടി. ഹൈദരാബാദ് മെട്രോപൊളിറ്റൻ സെഷൻസ് കോടതിയാണ് ശിക്ഷവിധിച്ചത്.
ഒമ്പത് വയസുകാരനെ ലൈംഗികമായി ചൂഷണം ചെയ്ത ഫായിസ് മെഹ്മൂദ് അൻസാരിക്ക് 10 വർഷം തടവും കോടതി വിധിച്ചു. കുട്ടിയെ അമ്മയുടെ കാമുകൻ ലൈംഗികമായി പീഡിപ്പിക്കുകയും മർദിക്കുകയും ചെയ്തുവെന്നാണ് പിതാവിൻെറ പരാതിയിൽ പറയുന്നത്. അമ്മയുടെ വഴിവിട്ട ബന്ധം മകൻ അറിഞ്ഞതാണ് പ്രകോപനത്തിനുള്ള കാരണം. മകനെ കൊല്ലാൻ അമ്മയും കാമുകനും പദ്ധതി തയാറാക്കിയതായും പൊലീസ് കുറ്റപത്രത്തിലുണ്ട്.
2013വരെ ഭർത്താവിനൊപ്പമായിരുന്ന ഇവർ നാട്ടിൽ തിരിച്ചെത്തിയതിന് ശേഷമാണ് കാമുകനുമായി ബന്ധം സ്ഥാപിച്ചത്. ഇത് മകൻ ചോദ്യം ചെയ്തതോടെയാണ് കുട്ടിക്കെതിരെ ഇവർ ശാരീരിക പീഡനം തുടങ്ങിയത്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.