മ​തം മാ​റാൻ മ​ജി​സ്ട്രേ​റ്റ് മു​മ്പാ​കെ വി​ശ​ദീ​ക​ര​ണം ന​ൽ​ക​ണം, നി​ർ​ബ​ന്ധി​ത മ​തം​മാ​റ്റ​ത്തി​ന് അ​ഞ്ചു​വ​ർ​ഷം ത​ട​വ്; ഹരിയാനയിൽ പുതിയനിയമത്തിന് ചട്ടങ്ങളായി

ച​ണ്ഡി​ഗ​ഢ്: നി​ർ​ബ​ന്ധി​ത മ​തം​മാ​റ്റം ത​ട​യു​ന്ന നി​യ​മ​ത്തി​ന്റെ വി​ശ​ദാം​ശ​ങ്ങ​ൾ പ്ര​സി​ദ്ധ​പ്പെ​ടു​ത്തി ഹ​രി​യാ​ന സ​ർ​ക്കാ​ർ. മേ​ലി​ൽ ഇ​വി​ടെ മ​തം​മാ​റ​ണ​മെ​ങ്കി​ൽ, ജി​ല്ല മ​ജി​സ്ട്രേ​റ്റ് മ​തം മാ​റ്റം സം​ബ​ന്ധി​ച്ച് പൊ​തു അ​റി​യി​പ്പ് ന​ൽ​ക​ണം. ഈ ​വ​ർ​ഷം മാ​ർ​ച്ചി​ലാ​ണ് ഹ​രി​യാ​ന നി​യ​മ​സ​ഭ വി​വാ​ദ നി​യ​മം പാ​സാ​ക്കി​യ​ത്. ഡി​സം​ബ​ർ 15നാ​ണ് നി​യ​മം ന​ട​പ്പാ​ക്കു​ന്ന​തി​നു​ള്ള ച​ട്ട​ങ്ങ​ളാ​യ​ത്. സ​മാ​ന നി​യ​മ​ങ്ങ​ൾ ഹി​മാ​ച​ൽ പ്ര​ദേ​ശി​ലും ഉ​ത്ത​ർ​പ്ര​ദേ​ശി​ലും പാ​സാ​ക്കി​യി​രു​ന്നു.

ഹ​രി​യാ​ന നി​യ​മ​ത്തി​ലെ ചി​ല പ്ര​ധാ​ന നി​ർ​ദേ​ശ​ങ്ങ​ൾ:

മ​തം മാ​റ്റം ആ​ഗ്ര​ഹി​ക്കു​ന്ന ആ​ൾ ന​ട​പ​ടി​ക്കു​മു​മ്പ് അ​യാ​ൾ താ​മ​സി​ക്കു​ന്ന ജി​ല്ല​യി​ലെ മ​ജി​സ്ട്രേ​റ്റ് മു​മ്പാ​കെ നി​ശ്ചി​ത ​ഫോ​മി​ൽ വി​ശ​ദീ​ക​ര​ണം ന​ൽ​ക​ണം. മ​തം മാ​റു​ന്ന​ത് ​പ്രാ​യ​പൂ​ർ​ത്തി​യാ​കാ​ത്ത ആ​ളാ​ണെ​ങ്കി​ൽ ര​ക്ഷി​താ​ക്ക​ൾ ഈ ​വി​ശ​ദീ​ക​ര​ണം ന​ൽ​ക​ണം. മ​തം​മാ​റ്റ​ത്തി​ന്റെ കാ​ര​ണം, എ​സ്.​സി, എ​സ്.​ടി സ​മു​ദാ​യ​ക്കാ​രാ​ണോ, ​തൊ​ഴി​ൽ, വ​രു​മാ​നം തു​ട​ങ്ങി​യ​വ വ്യ​ക്ത​മാ​ക്ക​ണം.

തു​ട​ർ​ന്ന് മ​ജി​സ്ട്രേ​റ്റ് മ​തം​മാ​റ്റം സം​ബ​ന്ധി​ച്ച വി​വ​രം പ​ര​സ്യ​പ്പെ​ടു​ത്തും. എ​തി​ർ​പ്പ് അ​റി​യി​ച്ച് പ​രാ​തി ല​ഭി​ച്ചാ​ൽ അ​ന്വേ​ഷ​ണം ന​ട​ത്തും. മ​റ്റു പ്ര​ശ്ന​ങ്ങ​ളി​ല്ലെ​ങ്കി​ൽ, മ​തം​മാ​റി​യ സ​ർ​ട്ടി​ഫി​ക്ക​റ്റ് ന​ൽ​കും. മ​തം മാ​റ്റ ച​ട​ങ്ങ് സം​ഘ​ടി​പ്പി​ക്കാ​ൻ നേ​ര​ത്തെ അ​നു​മ​തി വാ​ങ്ങ​ണം. നി​ർ​ബ​ന്ധി​ത മ​തം​മാ​റ്റ​ത്തി​ന് അ​ഞ്ചു​വ​ർ​ഷം വ​രെ ത​ട​വും ഒ​രു ല​ക്ഷ​ത്തി​ൽ കു​റ​യാ​തെ പി​ഴ​യും ല​ഭി​ക്കാം.

വി​വാ​ഹ​ത്തി​നാ​യി മ​ത​വി​വ​രം മ​റ​ച്ചു​വെ​ക്കു​ന്ന​തി​നും ശി​ക്ഷ​യു​ണ്ട്. കൂ​ട്ട​മ​ത​പ​രി​വ​ർ​ത്ത​നം ന​ട​ത്തി​യാ​ൽ പ​ത്തു​വ​ർ​ഷം വ​രെ​യാ​ണ് ത​ട​വ്. നാ​ലു​ല​ക്ഷം വ​രെ പി​ഴ​യും ല​ഭി​ക്കാം.