ചെന്നൈ: പശ്ചിമ ബംഗാൾ മുൻ മന്ത്രിയും മുതിർന്ന റെവല്യൂഷണറി സോഷ്യലിസ്റ്റ് പാർട്ടി (ആർ.എസ്.പി) നേതാവുമായ ക്ഷ ിതി ഗോസ്വാമി(77) നിര്യാതനായി.
വാർധക്യ സഹജമായ അസുഖത്തെ തുടർന്ന് ചെന്നൈയിലെ സ്വകാര്യ ആശുപത്രിയിൽ ഞായറാഴ്ച പുലർച്ചെയായിരുന്നു അന്ത്യം. ശ്വാസകോശ സംബന്ധമായ അസുഖങ്ങളുമുണ്ടായിരുന്നു. ഭാര്യക്കും മകൾക്കുമൊപ്പമായിരുന്നു ക്ഷിതി ഗോസ്വാമി കഴിഞ്ഞിരുന്നത്.
1980കളുടെ അവസാനം മുതൽ 2011 വരെ പശ്ചിമ ബംഗാളിൽ രണ്ട് പതിറ്റാണ്ടു കാലം പൊതുമരാമത്ത് മന്ത്രിയായി സേവനമനുഷ്ഠിച്ചിരുന്നു. 2012 വരെ കുറച്ചു കാലം ആർ.എസ്.പി സംസ്ഥാന സെക്രട്ടറിയായിരുന്നു. കഴിഞ്ഞ വർഷം പാർട്ടിയുടെ ദേശീയ ജനറൽ സെക്രട്ടറിയായും അദ്ദേഹം തെരഞ്ഞെടുക്കപ്പെട്ടിരുന്നു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.