ന്യൂഡൽഹി: പൗരത്വ ഭേദഗതി നിയമത്തിനെതിരെ നടക്കുന്ന പ്രതിഷേധത്തിൽ പങ്കു ചേർന്ന് ട്വീറ്റിട്ട ബോളിവുഡ് നടൻ ഫർഹാൻ അക്തറിനെതിരെ നടപടിയെടുക്കണമെന്ന ആവശ്യവുമായി മുതിർന്ന ഐ.പി.എസ് ഓഫീസർ സന്ദീപ് മിത്തൽ.
പൗരത്വ ഭേദഗതി നിയമത്തിനെതിരെ സമൂഹ മാധ്യമങ്ങളിൽ മാത്രം ഒതുങ്ങിയുള്ള പ്രതിഷേധത്തിെൻറ സമയം അവസാനിച്ചെന്നും വ്യാഴാഴ്ച മുംബൈയിലെ ആഗസ്റ്റ് ക്രാന്തി മൈതാനത്തിൽ ഒത്തുചേരാമെന്നും ആഹ്വാനം ചെയ്തുകൊണ്ടുള്ള ഫർഹാെൻറ ട്വീറ്റിനെതിരെയാണ് സന്ദീപ് മിത്തൽ ട്വിറ്ററിലൂടെ തന്നെ രംഗത്ത് വന്നത്.
ഫർഹാൻ അക്തർ ഐ.പി.സി 121 പ്രകാരം രാജ്യത്തിനെതിരെ യുദ്ധത്തിന് മനഃപൂർവം ഗൂഢാലോചന നടത്തുകയെന്ന കുറ്റം ചെയ്തതായും നിങ്ങളുടെ ജീവിതത്തിൽ നിങ്ങൾക്ക് എല്ലാം നൽകിയ രാഷ്ട്രത്തെ കുറിച്ച് ഓർക്കുകയും നിയമം മനസ്സിലാക്കുകയും ചെയ്യണമെന്നും സന്ദീപ് മിത്തൽ കുറിച്ചു. മുംബൈ പൊലീസിനെയും എൻ.ഐ.എയേയും ടാഗ് ചെയ്തുകൊണ്ടായിരുന്നു െപാലീസ് ഓഫീസറുടെ ട്വീറ്റ്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.