നിർണായകം, ബി.​​ജെ.പിക്കും കോൺഗ്രസിനും

ന്യൂ​ഡ​ൽ​ഹി: മി​നി പൊ​തു​തെ​ര​ഞ്ഞെ​ടു​പ്പി​ന്‍റെ വീ​റും വാ​ശി​യു​മാ​യി ക​ട​ന്നു​വ​രു​ന്ന അ​ഞ്ചു സം​സ്ഥാ​ന നി​യ​മ​സ​ഭ തെ​ര​ഞ്ഞെ​ടു​പ്പു​ക​ൾ ബി.​ജെ.​പി​ക്കും കോ​ൺ​ഗ്ര​സി​നും ഒ​രു​പോ​ലെ നി​ർ​ണാ​യ​കം. രാ​ജ്യ​ത്തി​ന്‍റെ ഭാ​വി​യി​ൽ സു​പ്ര​ധാ​ന​മാ​യി​ക്കാ​ണു​ന്ന 2024ലെ ​ലോ​ക്സ​ഭ തെ​ര​ഞ്ഞെ​ടു​പ്പി​ന്‍റെ മു​ന്നൊ​രു​ക്ക​ങ്ങ​ളെ ഏ​റെ സ്വാ​ധീ​നി​ക്കാ​ൻ പോ​ന്ന ന​വം​ബ​ർ തെ​ര​ഞ്ഞെ​ടു​പ്പു​ക​ളി​ലെ ജ​യ​പ​രാ​ജ​യം കോ​ൺ​ഗ്ര​സി​നും ബി.​ജെ.​പി​ക്കും അ​ത്ര​മേ​ൽ പ്ര​ധാ​നം.

കൊ​ച്ചു സം​സ്ഥാ​ന​മാ​യ മി​സോ​റ​മി​ൽ മി​സോ നാ​ഷ​ന​ൽ ഫ്ര​ണ്ടി​നെ​യോ ച​ന്ദ്ര​ശേ​ഖ​ർ റാ​വു മൂ​ന്നാ​മൂ​ഴം നോ​ക്കു​ന്ന തെ​ല​ങ്കാ​ന​യി​ൽ ഭാ​ര​ത്​​രാ​ഷ്ട്ര സ​മി​തി​യെ​യോ മ​റി​ച്ചി​ടാ​ൻ ക​ഴി​യു​മെ​ന്ന്​ പ്ര​ധാ​ന ദേ​ശീ​യ പാ​ർ​ട്ടി​ക​ൾ​ക്ക്​ അ​മി​ത വി​ശ്വാ​സ​മി​ല്ല. അതേസമയം, തെലങ്കാനയിൽ മത്സരം കടുത്തതാണെന്നും വിലയിരുത്തലുണ്ട്. അ​തി​ൽ​നി​ന്നു ഭി​ന്ന​മാ​യി ബി.​ജെ.​പി​യും കോ​ൺ​ഗ്ര​സു​മാ​യി നേ​ർ​ക്കു​നേ​ർ പോ​രാ​ട്ട​മാ​ണ്​ രാ​ജ​സ്ഥാ​ൻ, മ​ധ്യ​പ്ര​ദേ​ശ്, ഛത്തി​സ്​​ഗ​ഢ്​ എ​ന്നി​വി​ട​ങ്ങ​ളി​ൽ ന​ട​ക്കു​ന്ന​ത്. മൂ​ന്നു സം​സ്ഥാ​ന​ങ്ങ​ളും ബി.​ജെ.​പി​ക്കും കോ​ൺ​ഗ്ര​സി​നും ഒ​രു​പോ​ലെ പ്ര​ധാ​നം. കോ​ൺ​ഗ്ര​സി​ന്‍റെ പ്ര​ക​ട​ന​മാ​ക​ട്ടെ, പ്ര​തി​പ​ക്ഷ സ​ഖ്യ​മാ​യ ഇ​ൻ​ഡ്യ​യു​ടെ കെ​ട്ടു​റ​പ്പ്​ നി​ർ​ണ​യി​ക്കു​ന്ന​തി​ലും വ​ലി​യ പ​ങ്കു​വ​ഹി​ക്കും.

ക​ർ​ണാ​ട​ക, ഹി​മാ​ച​ൽ പ്ര​ദേ​ശ്​ എ​ന്നി​വി​ട​ങ്ങ​ളി​ൽ ബി.​ജെ.​പി​യെ ത​റ​പ​റ്റി​ച്ച മി​ന്നു​ന്ന പ്ര​ക​ട​ന​മാ​ണ്​ കോ​ൺ​ഗ്ര​സി​ന്​ തി​രി​ച്ചു​വ​ര​വി​ന്‍റെ ജീ​വ​വാ​യു ന​ൽ​കി​യ​തെ​ങ്കി​ൽ, പു​തി​യ നി​യ​മ​സ​ഭ തെ​ര​ഞ്ഞെ​ടു​പ്പു​ഫ​ല​ങ്ങ​ൾ അ​തി​ന്‍റെ ഗ​തി​വേ​ഗം നി​ശ്ച​യി​ക്കും. ക​ർ​ണാ​ട​ക​യി​ലും ഹി​മാ​ച​ലി​ലും തോ​റ്റ ബി.​ജെ.​പി​ക്കാ​ക​ട്ടെ, പാ​ർ​ട്ടി​യു​ടെ​യും പ്ര​ധാ​ന​മ​ന്ത്രി ന​രേ​ന്ദ്ര മോ​ദി​യു​ടെ​യും ജ​ന​പി​ന്തു​ണ​യു​ടെ ഉ​ര​ക​ല്ലാ​ണ്​ പു​തി​യ തെ​ര​ഞ്ഞെ​ടു​പ്പു​ക​ൾ.

പ്രാ​ദേ​ശി​ക നേ​താ​ക്ക​ളെ ത​ള്ളി​മാ​റ്റി പ്ര​ധാ​ന​മ​ന്ത്രി ന​രേ​ന്ദ്ര മോ​ദി​യാ​ണ്​ അ​ഞ്ചി​ട​ത്തും ബി.​ജെ.​പി​യു​ടെ വോ​ട്ടു​താ​രം. അ​തി​ൽ​നി​ന്നു ഭി​ന്ന​മാ​യി പ്രാ​ദേ​ശി​ക നേ​താ​ക്ക​ളി​ലും പ്രാ​ദേ​ശി​ക വി​ഷ​യ​ങ്ങ​ളി​ലും ഊ​ന്നി മു​ന്നോ​ട്ടു പോ​വു​ക​യാ​ണ്​ കോ​ൺ​ഗ്ര​സ്. അ​തേ​സ​മ​യം, പാ​ർ​ട്ടി​ക്കു​ള്ളി​ലെ ആ​ഭ്യ​ന്ത​ര കു​ഴ​പ്പ​ങ്ങ​ൾ ഇ​രു പാ​ർ​ട്ടി​ക​ളെ​യും അ​ല​ട്ടു​ന്നു​ണ്ട്. ലോ​ക്സ​ഭ തെ​ര​ഞ്ഞെ​ടു​പ്പി​ൽ ജ​യി​ച്ച 17 എം.​പി​മാ​രെ ഈ ​നി​യ​മ​സ​ഭ തെ​ര​ഞ്ഞെ​ടു​പ്പു​ക​ളി​ൽ സ്ഥാ​നാ​ർ​ഥി​യാ​ക്കി​യി​രി​ക്കു​ന്ന​തി​ലൂ​ടെ, ഈ ​നി​യ​മ​സ​ഭ തെ​ര​ഞ്ഞെ​ടു​പ്പു​ക​ൾ എ​ത്ര​ത്തോ​ളം പ്ര​ധാ​ന​പ്പെ​ട്ട​താ​യി കാ​ണു​ന്നു​വെ​ന്ന്​ ബി.​ജെ.​പി വി​ളി​ച്ചു പ​റ​യു​ന്നു​ണ്ട്. പ്രാ​ദേ​ശി​ക വി​ഷ​യ​ങ്ങ​ളി​ൽ ഊ​ന്നി​നി​ൽ​ക്കു​മ്പോ​ൾ​ത്ത​ന്നെ, ബി.​​ജെ.​പി​യു​ടെ ഹി​ന്ദു​ത്വ​യെ ജാ​തി സെ​ൻ​സ​സ്​ മു​ഖ്യാ​യു​ധ​മാ​ക്കി പി​ന്നാ​ക്ക​വി​ഭാ​ഗ​ങ്ങ​ളെ സ്വാ​ധീ​നി​ക്കാ​നു​ള്ള നീ​ക്ക​ത്തി​ൽ കൂ​ടി​യാ​ണ്​ കോ​ൺ​ഗ്ര​സ്.

2018ലെ ​നി​യ​മ​സ​ഭ തെ​ര​ഞ്ഞെ​ടു​പ്പി​ൽ മ​ധ്യ​പ്ര​ദേ​ശ്, രാ​ജ​സ്ഥാ​ൻ, ഛത്തി​സ്​​ഗ​ഢ്​ എ​ന്നി​വി​ട​ങ്ങ​ളി​ലെ ഫ​ലം കോ​ൺ​ഗ്ര​സി​ന്​ അ​നു​കൂ​ല​മാ​യി​രു​ന്നെ​ങ്കി​ലും 2019ലെ ​പൊ​തു​തെ​ര​ഞ്ഞെ​ടു​പ്പി​ൽ മോ​ദി​പ്ര​ഭാ​വ​ത്തി​ലൂ​ടെ ബി.​ജെ.​പി​യാ​ണ്​ സീ​റ്റു​ക​ൾ കൈ​യ​ട​ക്കി​യ​ത്. അ​ഞ്ചു സം​സ്ഥാ​ന​ങ്ങ​ളി​ലെ 82 ലോ​ക്സ​ഭ സീ​റ്റു​ക​ളി​ൽ 65ഉം ​ബി.​ജെ.​പി നേ​ടി. അ​തു​കൊ​ണ്ട്​ നി​യ​മ​സ​ഭ തെ​ര​ഞ്ഞെ​ടു​പ്പു​ഫ​ലം പൊ​തു തെ​ര​ഞ്ഞെ​ടു​പ്പു​പ്ര​വ​ണ​ത​ക​ളു​ടെ ചൂ​ണ്ടു​പ​ല​ക​യാ​ണെ​ന്നു ക​രു​താ​നാ​കി​ല്ല. എ​ന്നാ​ൽ ജ​യം ആ​വേ​ശ​വും ആ​ത്മ​വി​ശ്വാ​സ​വും കൂ​ട്ടും. തോ​ൽ​വി​യാ​ക​ട്ടെ, പ്ര​തീ​ക്ഷ​ക​​ളു​ടെ നി​റം കെ​ടു​ത്തും.