ന്യൂഡൽഹി: ഡൽഹിയിൽ കോൺഗ്രസ്-എ.എ.പി സഖ്യമില്ല. ഇരു പാർട്ടികളും സീറ്റ് സംബന്ധിച്ച് ധാരണയായില്ല. വെള്ളിയാഴ്ച ഏഴ് സീറ്റിലെയും കോൺഗ്രസ് സ്ഥാനാർഥികളെ പ്രഖ്യാപിക്കുമെന്നും പി.സി. ചാക്കോ വ്യക്തമാക്കി.
എ.എ.പിയുമായി 3:4 എന്ന ഫോർമുലയനുസരിച്ച് സീറ്റ് പങ്കിടാമെന്നായിരുന്നു അവസാന ധാരണ. എന്നാൽ, മറ്റ് ചില സംസ്ഥാനങ്ങളിലും സഖ്യം വേണമെന്ന് എ.എ.പി ആവശ്യപ്പെട്ടു. ചർച്ചകൾക്കൊടുവിൽ ഡൽഹിയിലെ സഖ്യം സംബന്ധിച്ച് തീരുമാനമുണ്ടാക്കുകയും മറ്റ് സംസ്ഥാനങ്ങളിൽ ചർച്ചകൾ തുടരാനും ധാരണയായി. എന്നാൽ, ഇന്ന് രാവിലെ എ.എ.പി, സഖ്യത്തിൽ നിന്ന് നാടകീയമായി പിൻമാറുകയായിരുന്നുവെന്ന് പി.സി ചാക്കോ പറഞ്ഞു.
കോൺഗ്രസ് അധ്യക്ഷൻ രാഹുൽ ഗാന്ധി സഖ്യത്തിന് അനുകൂലമായിരുന്നു. പരസ്യമായി തന്നെ സഖ്യം വേണമെന്ന് രാഹുൽ ഗാന്ധി നിലപാടെടുത്തു. ബി.ജെ.പിയെ തോൽപ്പിക്കുന്നതിനായി മറ്റ് പാർട്ടികളുമായി സഖ്യമാവാമെന്നാണ് കോൺഗ്രസ് നിലപാടെന്നും പി.സി ചാക്കോ പറഞ്ഞു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.