ബ്ലൂവെയ്​ൽ ഗെയിം നിരോധിക്കാനാകില്ലെന്ന്​ കേന്ദ്രം സുപ്രീംകോടതിയിൽ

ന്യൂഡൽഹി: ബ്ലൂവെയ്​ൽ ചലഞ്ച്​ പോലുള്ള ഒാൺലൈൻ ഗെയിമുകൾ നിരോധിക്കാനാകില്ലെന്ന്​ കേന്ദ്ര സർക്കാർ സുപ്രീം കോടതിയിൽ. ആപ്ലിക്കേഷൻ അടിസ്​ഥാനമാക്കി പ്രവർത്തിക്കുന്നവയല്ല ഇത്തരം ഗെയിമുകൾ എന്നതിനാൽ അവ നിരോധിക്കാനാകില്ലെന്നാണ്​ കേന്ദ്ര സർക്കാർ കോടതിയെ അറിയിച്ചത്​. 

ഗെയിം മൂലമുണ്ടാകുന്ന അപകടങ്ങളെ കുറിച്ച്​ ​ സംസ്​ഥാന സർക്കാറുകൾ വിദ്യാർഥികളെ ബോധവാൻമാരാക്കണമെന്ന്​ സുപ്രീംകോടതി ആവശ്യപ്പെട്ടു. ബ്ലൂവെയ്​ൽ ആത്​മഹത്യകൾ ദേശീയ പ്രശ്നമാണെന്ന്​ നിരീക്ഷിച്ചു കൊണ്ടാണ്​ സുപ്രീംകോടതി സംസ്​ഥാനങ്ങളോട്​ ബോധവത്​കരണം നടത്താൻ ആവശ്യപ്പെട്ടിരിക്കുന്നത്​. 

സ്​കൂൾ വിദ്യാർഥികളെ​ ജീവിതത്തി​​​െൻറ മനോഹാരിതയെ കുറിച്ച്​ ബോധവത്​കരിക്കണമെന്നും ഗെയി​മി​​​െൻറ അപകടാവസ്​ഥ വ്യക്​തമാക്കിക്കൊടുക്കണമെന്നും സംസ്​ഥാനങ്ങളിലെ ചീഫ്​ സെക്രട്ടറിമാരോടും കോടതി നിർദേശിച്ചു. ഇത്തരം ഗെയിമുകളുടെ ദോഷഫലങ്ങളെ കുറിച്ച്​ സ്​കൂളുക​െള അറിയിക്കാൻ വേണ്ട നടപടികൾ കേന്ദ്ര മാനവ വിഭവശേഷി മന്ത്രാലയം സ്വീകരിക്കണമെന്നും ദീപക്​ മിശ്ര അധ്യക്ഷനായ ബെഞ്ച്​ ഉത്തരവിട്ടു. 

ബ്ലൂവെയ്​ൽ ഗെയിം കളിച്ച്​ വിദ്യാർഥികൾ ആത്​മഹത്യ ചെയ്​ത സാഹചര്യത്തിൽ സംഭവത്തെ കുറിച്ച്​ പഠിക്കാൻ കേന്ദ്ര സർക്കാർ നിയമിച്ച സമിതിയുടെ ഇടക്കാല റിപ്പോർട്ട്​ പരിശോധിക്കുകയായിരുന്നു​ സുപ്രീംകോടതി. ഇൗ ആത്​മഹത്യാ ഗെയിം നിരോധിക്കുന്നതിനു വേണ്ട നടപടികൾ അറിയിക്കണമെന്ന്​ സർക്കാറിനോട്​ കഴിഞ്ഞ മാസം സുപ്രീം കോടതി ആവശ്യപ്പെട്ടിരുന്നു. അതു പ്രകാരമാണ്​ വിഷയം പഠിക്കാൻ സർക്കാർ സമിതിയെ നിയോഗിച്ചത്​. 

50 ദിവസം കൊണ്ട്​ കളിക്കുന്ന ഗെയിമാണിത്​. സ്വയം മുറിപ്പെടുത്തുക, രാത്രി തനിച്ചിരുന്ന്​ ഭയപ്പെടുത്തുന്ന സിനിമകൾ കാണുക, അർധരാത്രിയിൽ ശ്​മശാനം സന്ദർശിക്കുക തുടങ്ങിയവയാണ്​ ടാസ്​ക്കുകൾ. ടാസ്​കുകൾ പൂർത്തിയാക്കുന്ന മുറക്ക്​ പുതിയവ നൽകും. ഒടുവിൽ ഗെയിം കളിച്ചതി​​​െൻറ തെളിവുകൾ നശിപ്പിച്ചുകൊണ്ട്​ ആത്​മഹത്യ ചെയ്യാനും ആവശ്യപ്പെടും. ഗെയിം അഡ്​മി​​​െൻറ നിയന്ത്രണത്തിലായ കുട്ടികൾ ഒടുവിൽ ആത്​മഹത്യ ​ചെയ്യും. 

റഷ്യയിൽ പിറവികൊണ്ട ഗെയിം അവിടെ 130ഒാളം കുട്ടികളുടെ ജീവനെടുത്തിരുന്നു. ഇന്ത്യയിലും വിവിധയിടങ്ങളിൽ കുട്ടികൾ ആത്​മഹത്യ ചെയ്​തത്​ ഗെയിം കളിച്ചാണെന്നും വാർത്തകളുണ്ടായിരുന്നു. ഇതി​​​െൻറ പശ്​ചാത്തലത്തിലായിരുന്നു സർക്കാറിനോട്​ കോടതിയുടെ നിർദേശം​.