ബംഗളൂരു: കോവിഡിെൻറ പശ്ചാത്തലത്തിൽ പ്രതിരോധ ശേഷി വർധിപ്പിക്കുന്നതിനായി മൂന്നു കിലോയുടെ കഷായക്കിറ്റ് വീടുകളിലെത്തിക്കാൻ കർണാടക സംസ്ഥാന മാംഗോ ഡെവലപ്മെൻറ് ആൻഡ് മാർക്കറ്റിങ് കോർപറേഷൻ രംഗത്ത്. കഷായം വെച്ച് കുടിക്കാനുള്ള സാധനങ്ങൾ അടങ്ങിയ മൂന്നുകിലോയുടെ പാക്കറ്റ് 600 രൂപ നിരക്കിലാണ് ആളുകൾക്ക് എത്തിക്കുക.
പാക്കറ്റിൽ മരുന്ന് നിർമാണത്തിെൻറ രീതികൾ വിശദീകരിച്ചിട്ടുണ്ടാകും. കുരുമുളക്, ഇഞ്ചി, മഞ്ഞൾ തുടങ്ങിയ എട്ടിനങ്ങളടങ്ങിയ കിറ്റാണ് നൽകുക. കെ.എസ്.എം.ഡി.എം.സിയുടെ വെബ്സൈറ്റ് വഴി ഒാൺലൈനായി ഒാർഡർ നൽകാം.
അടുത്തയാഴ്ച മുതൽ ഒാൺലൈൻ ഡെലിവറി ആരംഭിക്കും. സംസ്ഥാനത്തെ സുഗന്ധവിള കർഷകർക്ക് പദ്ധതി സഹായകമാകുമെന്ന് കെ.എസ്.എം.ഡി.എം.സി ഡയറക്ടർ സി.ജി നാഗരാജ് പറഞ്ഞു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.