ന്യൂഡൽഹി: രാജ്യത്ത് കഴിഞ്ഞ 24 മണിക്കൂറിനുള്ളിൽ കോവിഡ് സ്ഥിരീകരിച്ചത് 4,213 പേർക്ക്. ഇന്ത്യയിലെ പ്രതിദിന കോവിഡ് ബാധിതരുടെ എണ്ണത്തിൽ ഏറ്റവും ഉയർന്നതാണിത്.
തിങ്കളാഴ്ച രാവിലെ വരെയുള്ള കേന്ദ്ര ആേരാഗ്യ-കുടുംബക്ഷേമ മന്ത്രാലയത്തിെൻറ കണക്കനുസരിച്ച് ആകെ കോവിഡ് ബാധിതരുടെ എണ്ണം 67,152 ആയി. ഇതിൽ111 പേർ വിദേശികളാണ്. 44,029 പേരാണ് നിലവിൽ ചികിത്സയിലുള്ളത്. 20,916 പേർ രോഗമുക്തി നേടിയപ്പോൾ 2,206 പേർ മരണത്തിന് കീഴടങ്ങി. ഞായറാഴ്ച വരെയുള്ള കണക്കനുസരിച്ച് രാജ്യത്ത് ആകെ 2,109 പേരായിരുന്നു കോവിഡ് മൂലം മരിച്ചത്. 62,939 പേരായിരുന്നു രോഗം സ്ഥിരീകരിച്ചവരായുണ്ടായിരുന്നത്.
മഹാരാഷ്ട്രയിൽ ആകെ രോഗബാധിതരുടെ എണ്ണം 22,171ആയി. ആകെ 832 പേർ മരണത്തിന് കീഴടങ്ങി. സംസ്ഥാനത്ത് 1,278 പേർക്കു കൂടി പുതുതായി കോവിഡ്ബാധ സ്ഥിരീകരിക്കുകയും 53 പേർ മരിക്കുകയും ചെയ്തു. ഇതിൽ 19 പേർ കോവിഡ് ഏറ്റവും രൂക്ഷമായി ബാധിച്ച മുംബൈയിലും 14 പേർ നാസികിലെ മലേഗാവിലുമാണ് മരിച്ചത്.
അഞ്ച് പേർ വീതം പുനെയിലും ജൽഗോണിലും രണ്ട് പേർ ധുലെയിലും ഓരോരുത്തർ വീതം ധുലെ റൂറൽ, പംപ്രി ചിഞ്ച്വാഡ്, അഹമ്മദ്നഗർ, ഔറംഗാബാദ്, നന്ദർബാർ, സോലപൂർ, വൈസ വിരാൾ എന്നിവിടങ്ങളിലും മരിച്ചുവെന്ന് ആരോഗ്യ വിഭാഗം അറിയിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.