ബറേലി: ഉത്തര്പ്രദേശിലെ ബറേലിയില് വീടിന് തീപിടിച്ച് ഒരു കുടുംബത്തിലെ ആറു കുട്ടികള് മരിച്ചു. ശലോനി (17), സഞ്ജന (15), ഭുരി (10), ദുര്ഗ(8) എന്നീ സഹോദരിമാരും ഇവരുടെ ബന്ധുക്കളായ മഹിമ (9), ദേബു (7) എന്നീ കുട്ടികളുമാണ് മരണപ്പെട്ടത്. വെള്ളിയാഴ്ച്ച പുലര്ച്ചെ ബറേലിയിലെ കിലാചാവ്നി ഗ്രാമത്തിലായിരുന്നു സംഭവം.
സംഭവസമയത്ത് ഇവരുടെ മാതാപിതാക്കൾ വീട്ടിലില്ലായിരുന്നു. ഒരു വിവാഹ ചടങ്ങിൽ പങ്കെടുക്കാനായി പിലിഭിത്തിലേക്ക് പോയിരിക്കുകയായിരുന്നു ഇരുവരും. രാവിലെ പ്രദേശവാസികള് വീട്ടിൽ നിന്ന് തീയും പുകയും ഉയരുന്നത് കണ്ടതോടെയാണ് രക്ഷാപ്രവർത്തനം നടന്നത്. വീടിനുള്ളിൽ പരിശോധിച്ചപ്പോൾ കത്തിക്കരിഞ്ഞ മൃതദേഹങ്ങൾ കണ്ടെത്തുകയായിരുന്നു.
രാത്രി കത്തിച്ചുവച്ച മെഴുകുതിരി കെടുത്താന് വീട്ടിലുണ്ടായിരുന്നവര് മറന്നതാവാം അപകടത്തിന് വഴിവച്ചതെന്ന് പൊലീസ് പറയുന്നു. കുട്ടികളുടെ മൃതദേഹം പോസ്റ്റ്മോര്ട്ടത്തിനായി ആശുപത്രിയിലേക്ക് മാറ്റി.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.