മുംബൈ: രണ്ട് വാഴപ്പഴത്തിന് 442 രൂപ ഈടാക്കി ഛണ്ഡിഗഢിലെ ജെ.ഡബ്ളിയു മാരിയറ്റ് ഹോട്ടൽ വിവാദത്തിലായതിന് പി ന്നാലെ മുംബൈയിലെ ഫോർ സീസൺസും ഉയർന്ന ഭക്ഷണവിലയുടെ പേരിൽ വിവാദത്തിൽ. രണ്ട് പുഴുങ്ങിയ കോഴിമുട്ടക്ക് 1700 രൂപ ഈ ടാക്കിയാണ് ഹോട്ടൽ വിവാദത്തിലായിരിക്കുന്നത് .
കാർത്തിക് ധർ എന്നയാൾ പോസ്റ്റ് ചെയ്ത ബില്ലിലാണ് രണ്ട് പുഴുങ്ങിയ കോഴിമുട്ടക്ക് ഹോട്ടൽ 1700 രൂപ ഈടാക്കിയിരിക്കുന്നത്. രണ്ട് ഓംലറ്റിനും ഇതേ നിരക്കാണ് ഹോട്ടൽ ഈടാക്കുന്നത്. അതേസമയം, പ്രശ്നത്തിൽ പ്രതികരണം നടത്താൻ ഹോട്ടൽ ഇതുവരെ തയാറായിട്ടില്ല.
ബോളിവുഡ് താരം രാഹുൽ ബോസിൽ നിന്നാണ് മാരിയറ്റ് ഹോട്ടൽ രണ്ട് വാഴപ്പഴത്തിന് 442 രൂപ ഈടാക്കിയത്. തുടർന്ന് രാഹുലിൻെറ പരാതിയുടെ അടിസ്ഥാനത്തിൽ അധികൃതർ ഹോട്ടലിന് 25,000 രൂപ പിഴയിട്ടിരുന്നു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.