ദുബൈ: പത്താംക്ലാസ് വിദ്യാർഥികൾക്ക് 'ഗൾഫ് മാധ്യമ'ത്തിന്റെ സഹകരണത്തോടെ സഫയർ നടത്തുന്ന അഭിരുചി പരീക്ഷയുടെ രണ്ടാംഘട്ടം ഞായറാഴ്ച നടക്കും. ഷാർജ എമിറേറ്റിലെ വിദ്യാർഥികൾക്ക് ഷാർജ ഇന്ത്യൻ സ്കൂളിലും അബൂദബിയിലെ കുട്ടികൾക്ക് അബൂദബി മോഡൽ സ്കൂളിലുമാണ് പരീക്ഷ. രാവിലെ പത്തിന് ആരംഭിക്കും. ഫിസിക്സ്, കെമിസ്ട്രി, മാത്സ്, ബയോളജി, മെന്റൽ എബിലിറ്റി വിഷയങ്ങളിലായിരിക്കും പരീക്ഷ. അൽഐൻ, ദുബൈ എന്നിവിടങ്ങളിൽ നടന്ന ആദ്യഘട്ട പരീക്ഷ എഴുതാൻ കഴിയാത്ത വിദ്യാർഥികളും പങ്കെടുക്കുന്നുണ്ട്.
ഒന്നാംസ്ഥാനം നേടുന്നവർക്ക് 2500 ദിർഹമാണ് സമ്മാനം. സെന്ററുകളിൽ മുന്നിലെത്തുന്ന നാലുപേർക്ക് 500 ദിർഹം വീതം ലഭിക്കും. ആപ്പിൾ എയർപോഡ്, കമ്പ്യൂട്ടർ, ടാബ്ലെറ്റ്, ബ്ലൂ ടൂത്ത് സ്പീക്കർ തുടങ്ങിയ സമ്മാനങ്ങളും വിദ്യാർഥികളെ കാത്തിരിക്കുന്നു. വിദ്യാർഥികളിൽ വിവിധ അഭിരുചികൾ വളർത്തുക എന്ന ലക്ഷ്യത്തോടെയാണ് പരീക്ഷ.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.