ദുബൈ: വക്കീലിെൻറ സഹായം തേടണം, പക്ഷെ ഫീസു നൽകാൻ പണമില്ല- ഇത്തരമ അവസ്ഥയിലുള്ള ആരെയെങ്കിലും അറിയുമോ^എങ്കിൽ അവരോട് ദുബൈ ലാൻറ് ഡിപ്പാർട്ട്മെൻറ് സംഘടിപ്പിക്കുന്ന സൗജന്യ ലീഗൽ ക്ലിനിക്കിൽ നിർബന്ധമായും പങ്കുചേരാൻ പറയുക. ഇൗ മാസം 17നാണ് ബി.എസ്.എ അഹ്മദ് ബിൻ ഹിസീം അസോസിയേറ്റ്സുമായി ചേർന്ന് നിയമ ക്ലിനിക് നടത്തുന്നത്.
വിവിധ നിയമ മേഖലകളിൽ വിദഗ്ധരായ 25 അഭിഭാഷകരാണ് ഉപദേശം നൽകാനെത്തുക. ദാന വർഷ പ്രവർത്തനങ്ങളുടെ ഭാഗമായാണ് അഭിഭാഷകർ സൗജന്യ സേവനം നൽകുന്നത്. രാവിലെ എട്ടു മുതൽ ഉച്ചക്ക് രണ്ടു മണി വരെ തുടരുന്ന പരിപാടിയിൽ സേവനം ലഭിക്കാൻ മുൻകൂർ രജിസ്ട്രേഷൻ ആവശ്യമില്ല. എന്നാൽ ആവശ്യമായ രേഖകളെല്ലാം കൂടെ കരുതണം, കഴിയുന്നത്ര നേരത്തേ ദുബൈ ലാൻറ് ഡിപ്പാർട്ട്മെൻറ് ഒഫീസിൽ എത്തുകയും വേണം.
റിയൽ എസ്റ്റേറ്റ്, നിർമാണ മേഖല, കമ്പനികൾ, വാറ്റ്, തൊഴിൽ കേസുകൾ, കുടുംബ കേസുകൾ, വ്യക്തിഗത കേസുകൾ തുടങ്ങിയവയെല്ലാം ഉന്നയിക്കാം. 17 വർഷമായി വിജയകരമായി സേവനം നടത്തുന്ന സ്ഥാപനം നാടിനും നാട്ടുകാർക്കും വേണ്ടി തങ്ങളുടെ സമയവും അനുഭവങ്ങളും വിനിയോഗിക്കുകയാണെന്ന് ബി.എസ്.എ മുഖ്യ പാർട്ണർ ഡോ. അഹ്മദ് ബിൻ ഹിസീം പറഞ്ഞു. പല ആളുകൾക്കും ഒരു അഭിഭാഷകനെ സമീപിക്കാനുള്ള സാമ്പത്തിക അവസ്ഥ ഇല്ലാത്ത സാഹചര്യമുണ്ട്. അഞ്ചു ലക്ഷം ദിർഹം പ്രതിഫലം ലഭിക്കാവുന്ന 150 മണിക്കൂർ നിയമ സേവനമാണ് 25 അഭിഭാഷകർ ചേർന്ന് സൗജന്യമായി നൽകുന്നതെന്നും അദ്ദേഹം കൂട്ടിച്ചേർത്തു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.