ദുബൈ: ദേരയിലെ അബൂബക്കർ അൽ സിദ്ദീഖ് മെട്രോ സ്റ്റേഷന് സമീപം പാർക്ക് ചെയ്ത മൂന്ന് കാറുകൾക്ക് തീപിടിച്ചു. ശേഷം മൂന്ന് െവയർ ഹൗസുകളിലേക്ക് തീപടർന്നു. ഞായറാഴ്ച ഉ ച്ചക്ക് 12.25ഒാടെയാണ് തീപിടിത്തമുണ്ടായതെന്ന് സിവിൽ ഡിഫൻസ് അറിയിച്ചു. പോർട്ട് സെയ്ദ്, അൽ ഹംരിയ, അൽ റാശിദിയ സ്റ്റേഷനുകളിൽനിന്നുള്ള അഗ്നിശമന സേനാംഗങ്ങളെത്തിയാണ് തീയണച്ചത്. ആളപായം റിപ്പോർട്ട് ചെയ്തിട്ടില്ല. തീപിടിത്തത്തെ തുടർന്ന് ദുബൈ അന്താരാഷ്ട്ര വിമാനത്താവള പരിസരത്ത് പുക മൂടിക്കെട്ടി.
എന്നാൽ, വിമാനത്താവള പ്രവർത്തനങ്ങളെ ഇത് ബാധിച്ചില്ല. തീപിടിത്തം കാരണം സലാഹ് അൽ ദീൻ സ്ട്രീറ്റും അൽ ഖുബൈസിയിലേക്കുള്ള എല്ലാ റോഡുകളും പൊലീസ് ഒരു മണിക്കൂർ അടച്ചിട്ടിരുന്നു. അഗ്നിശമന സേനാംഗങ്ങളുടെ വാഹനങ്ങൾ കടന്നുപോകുന്നതിന് ഉച്ചക്ക് 2.45 മുതലാണ് റോഡുകൾ അടച്ചത്. നാല് മണിക്കൂർ നീണ്ടുനിന്ന തീ വൈകുന്നേരം 4.40ഒാടെയാണ് അണച്ചതെന്ന് സിവിൽ ഡിഫൻസ് രക്ഷാദൗത്യ ഉപ മേധാവി കേണൽ അലി ഹസൻ അൽ മുതവ പറഞ്ഞു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.