ദുബൈ: 493 ദശലക്ഷം കിലോമീറ്റർ ദൂരം ലക്ഷ്യമിട്ട് യാത്ര തുടങ്ങിയ യു.എ.ഇയുടെ ചൊവ്വ പര്യവേക്ഷണ പേടകമായ ഹോപ്പ് പ്രോബ് ആദ്യ ചിത്രം പുറത്തുവിട്ടു. യാത്ര തുടങ്ങി രണ്ട് ദിവസം പോലും തികയുന്നതിന് മുമ്പാണ് ചൊവ്വയുടെ ചിത്രം പുറത്തുവിട്ടത്. യു.എ.ഇ വൈസ് പ്രസിഡൻറും പ്രധാനമന്ത്രിയും ദുബൈ ഭരണാധികാരിയുമായ ശൈഖ് മുഹമ്മദ് ബിൻ റാശിദ് ആൽ മക്തൂമാണ് ട്വിറ്ററിലൂടെ വിവരം അറിയിച്ചത്.
ലക്ഷക്കണക്കിന് കിലോമീറ്റർ അകലെ നിന്ന് ഹോപ്പ് പ്രോബ് ചുവന്നഗ്രഹത്തിെൻറ ചിത്രം അയച്ചിരിക്കുകയാണെന്ന് ശൈഖ് മുഹമ്മദ് ട്വിറ്ററിൽ കുറിച്ചു. പേടകത്തിലെ കാമറ ട്രാക്കിങ് സംവിധാനം ഉപയോഗിച്ച് ലക്ഷ്യസ്ഥാനത്തിെൻറ ചിത്രമാണ് പകർത്തിയിരിക്കുന്നതെന്നും അദ്ദേഹം പറഞ്ഞു. ഏഴ് മാസത്തെ യാത്രക്കൊടുവിൽ 2021 ഫെബ്രുവരിയിൽ ഹോപ്പ് ചൊവ്വ പ്രവേശനം നടത്തുമെന്നാണ് കരുതുന്നത്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.