ദുബൈ: ഷാർജയുടെ കായികമേഖലക്ക് കുതിപ്പേകാൻ സ്പോർട്സ് സയൻസ് അക്കാദമി വരുന്നു. ഇതുമായി ബന്ധപ്പെട്ട കരാറിൽ യു.എ.ഇ സുപ്രീം കൗൺസിൽ അംഗവും ഷാർജ ഭരണാധികാരിയുമായ ശൈഖ് സുൽത്താൻ ബിൻ മുഹമ്മദ് അൽ ഖാസിമി ഒപ്പുവെച്ചു. ഷാർജ അക്കാദമി ഫോർ സ്പോർട്സ് സയൻസ് ആൻഡ് ഒൗട്ട്സ്റ്റാൻഡിങ് പെർഫോമൻസ് (എസ്.എ.എസ്.എസ്.ഒ.പി) നിലവിൽ വരുന്നതോടെ കായികതാരങ്ങൾക്ക് കൂടുതൽ അവസരവും കായിക വിദ്യാഭ്യാസവും ലഭ്യമാകും. എക്സ്റ്റർ യൂനിവേഴ്സിറ്റിയുടെ സഹകരണത്തോടെ കൽബയിലാണ് സെൻറർ സ്ഥാപിക്കുന്നത്.
കായികവും വിദ്യാഭ്യാസപരവുമായ സൗകര്യങ്ങളാണ് അക്കാദമിയിൽ ഒരുക്കുന്നത്. സ്റ്റേഡിയം, ഇൻഡോർ സ്പോർട്സ് ഹാൾ, ആധുനിക സ്േപാർട്സ് ഉപകരണങ്ങൾ തുടങ്ങിയവ ഉണ്ടാവും. അറബ് ലോകത്തെ എല്ലാ കായിക മേഖലക്കും ഉണർവ് പകരുന്ന രീതിയിലാവും അക്കാദമി. പരിശീലനം നൽകി അത്ലറ്റുകളെ വളർത്തിയെടുക്കാനും ലക്ഷ്യമിടുന്നു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.