പൗരത്വ അവകാശപോരാട്ടം അവസാനിപ്പിക്കരുത്​ –സി.എം. ഇബ്രാഹീം

ദു​ബൈ: പൗ​ര​ത്വ നി​യ​മ​ഭേ​ദ​ഗ​തി​ക്കെ​തി​രെ ഇ​ന്ത്യ​യു​ടെ വി​വി​ധ ഭാ​ഗ​ങ്ങ​ളി​ൽ ന​ട​ക്കു​ന്ന സ​മ​രം കെ​ട്ട​ട​ങ്ങാ​തെ നി​ല​നി​ർ​ത്തി​യാ​ലേ ഭാ​വി​യി​ലും ഇ​ത്ത​രം ക​രി​നി​യ​മ​ങ്ങ​ളു​മാ​യി മു​ന്നോ​ട്ടു​വ​രു​വാ​നു​ള്ള ബി.​ജെ.​പി സ​ർ​ക്കാ​ർ നീ​ക്ക​ങ്ങ​ൾ​ക്ക്​ ത​ട​യി​ടാ​നാ​വൂ എ​ന്ന്​ മു​ൻ കേ​ന്ദ്ര​മ​ന്ത്രി​യും മു​തി​ർ​ന്ന കോ​ൺ​ഗ്ര​സ് നേ​താ​വു​മാ​യ സി.​എം. ഇ​ബ്രാ​ഹിം പ​റ​ഞ്ഞു. മ​റ്റു സ​മ​ര​ങ്ങ​ളെ​പോ​ലെ പാ​തി​വ​ഴി​ക്ക് ഈ ​സ​മ​രം വി​ട്ടേ​ച്ചു​പോ​യാ​ൽ ദൂ​ര​വ്യാ​പ​ക​മാ​യ ഫ​ല​ങ്ങ​ളാ​യി​രി​ക്കും ഉ​ണ്ടാ​വു​ക​യെ​ന്നും ദു​ബൈ​യി​ൽ അ​ദ്ദേ​ഹം ‘ഗ​ൾ​ഫ് മാ​ധ്യ​മ’​ത്തോ​ട് പ​റ​ഞ്ഞു. ‘ഇ​ന്ത്യ​യു​ടെ എ​ല്ലാ ഭാ​ഗ​ത്തു​നി​ന്നും വി​വ​ര​ങ്ങ​ൾ ല​ഭ്യ​മാ​ക്കി ന​ല്ല നേ​തൃ​ത്വ​ത്തി​ന് കീ​ഴി​ൽ ആ​ത്മാ​ർ​ഥ​ത​യോ​ടെ സ​മ​രം ന​യി​ച്ചാ​ലേ വി​ജ​യം കാ​ണു​ക​യു​ള്ളൂ. നി​ർ​ഭാ​ഗ്യ​വ​ശാ​ൽ കോ​ൺ​ഗ്ര​സി​ന് പോ​ലും അ​തി​നു​ള്ള ച​ങ്കൂ​റ്റ​മി​ല്ല.

കേ​ര​ളം വി​ക​സ​ന രാ​ഷ്​​ട്രീ​യം ച​ർ​ച്ച​ചെ​യ്യു​ന്നി​ല്ല, ഗ​ൾ​ഫാ​ണ് കേ​ര​ള​ത്തി​ൽ വി​ക​സ​നം ഉ​ണ്ടാ​ക്കി​യ​ത്. ക​ർ​ണാ​ട​ക​യി​ൽ ജാ​തി​രാ​ഷ​​്ട്രീ​യ​ത്തി​നാ​ണ് പ്രാ​മു​ഖ്യം. മു​സ്​​ലിം​ക​ൾ രാ​ഷ്​​ട്രീ​യ വീ​ക്ഷ​ണ​മു​ള്ള​വ​രാ​ണ്. എ​ന്നാ​ൽ, അ​വ​രു​ടെ വോ​ട്ട് 40 ശ​ത​മാ​നം മാ​ത്ര​മേ പോ​ൾ ചെ​യ്യ​പ്പെ​ടാ​റ​ു​ള്ളൂ. സ്ത്രീ​ക​ൾ വോ​ട്ട് ചെ​യ്യാ​ൻ മ​ടി​ക്കു​ന്ന​ത് കൊ​ണ്ടാ​ണി​ത്. ഈ ​പ്ര​വ​ണ​ത മാ​റി​യാ​ൽ ക​ർ​ണാ​ട​ക​യു​ടെ രാ​ഷ്​​ട്രീ​യം മാ​റും. നി​ല​വി​ലെ ക​ർ​ണാ​ട​ക മി​ക​വു​റ്റ ഒ​രു നേ​താ​വി​നെ തേ​ടു​ന്നു​ണ്ട്. ഉ​പ​തെ​ര​ഞ്ഞെ​ടു​പ്പ് ഫ​ലം താ​ൽ​ക്കാ​ലി​ക​മാ​ണെ​ന്നും ആ ​ട്രെ​ൻ​ഡ്​ എ​ന്നും നി​ല​നി​ൽ​ക്കി​ല്ലെ​ന്നും ദേ​വ​ഗൗ​ഡ​യെ പ്ര​ധാ​ന​മ​ന്ത്രി​യാ​ക്കു​ന്ന​തി​ൽ കി​ങ്​ മേ​ക്ക​റാ​യി വ​ർ​ത്തി​ച്ച സി.​എം. ഇ​ബ്രാ​ഹിം കൂ​ട്ടി​ച്ചേ​ർ​ത്തു.