അജ്മാന്‍: യു.എ.ഇ നാഷനല്‍ മീഡിയ കൗണ്‍സില്‍ അംഗീകാരം മലയാളി പ്രസാധകന്. അജ്മാന്‍ കേന്ദ്രമായി പ്രവര്‍ത്തിക്കുന്ന ബുക്ക്‌ ലാന്‍ഡ് ഉടമ മലപ്പുറം ചങ്ങരംകുളം സ്വദേശി സലിം അബ്ദുല്‍ റഹ്മാനെയാണ് പ്രസാധന വിതരണരംഗത്തെ മികവിന് നാഷനല്‍ മീഡിയ കൗണ്‍സില്‍ ആദരിച്ചത്. മീഡിയ കൗൺസിലിലെ ഉന്നത ഉദ്യോഗസ്ഥർ പങ്കെടുത്ത അജ്മാനില്‍ നടന്ന ചടങ്ങില്‍ ഉപഹാരം കൈമാറി. 33 വര്‍ഷമായി ഈ രംഗത്ത് പ്രവര്‍ത്തിക്കുന്ന സലിം അബ്ദുല്‍ റഹ്മാന്‍ 60ഓളം ഇംഗ്ലീഷ് പുസ്തകങ്ങളും 20 ഫ്രഞ്ച് പുസ്തകങ്ങളും അറബിയില്‍ 20ലേറെ പുസ്തകങ്ങളും പ്രസിദ്ധീകരിച്ചിട്ടുണ്ട്. യു.എ.ഇയില്‍നിന്ന് അറബ് പുസ്തകങ്ങള്‍ പ്രസിദ്ധീകരിക്കുന്ന ഏക മലയാളി കൂടിയാണ് സലിം.
വേള്‍ഡ് ബെസ്റ്റ് സെല്ലര്‍ ബുക്കായ യുവാല്‍ നോഹ് ഹരാരിയുടെ ‘സാപിയന്‍സ്' എന്ന പുസ്തകം അറബിയിലേക്ക് മൊഴിമാറ്റം നടത്തി. അടുത്ത ഏപ്രിലില്‍ പ്രകാശനം ചെയ്യാനിരിക്കുന്ന ഈ ഗ്രന്ഥം ഇപ്പോള്‍ തന്നെ ആയിരക്കണക്കിന് കോപ്പികള്‍ വിറ്റുപോയതായി അദ്ദേഹം പറഞ്ഞു. മറ്റൊരു ബെസ്റ്റ് സെല്ലറായ ഇന്ത്യക്കാരനായ സാനിയ ഇസ്നൈന്‍ഖാ‍െൻറ ഖുര്‍ആന്‍ ആസ്പദമാക്കിയുള്ള ബെഡ് ടൈം സ്റ്റോറിയുടെ അറബി പതിപ്പ് ഇക്കുറി ഷാര്‍ജ അന്താരാഷ്‌ട്ര പുസ്തകമേളയില്‍ പ്രസിദ്ധീകരിച്ചു. ഏറ്റവും പുതിയ ആറ് അറബി ഗ്രന്ഥങ്ങള്‍ ഈ വര്‍ഷത്തെ പുസ്തകമേളയിൽ ഇദ്ദേഹം പ്രസിദ്ധീകരിക്കുന്നുണ്ട്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.