ദുബൈ: സ്തനാർബുദ ബോധവത്കരണം ഉറപ്പാക്കുന്നതിനും നിർധനരായ അർബുദരോഗികളെ സഹായ ിക്കുന്നതിനുമായി ദുബൈ നഗരത്തിൽ പിങ്ക് റൈഡ് കാമ്പയിൻ സംഘടിപ്പിക്കുന്നു. ദുബൈ ഹെൽത്ത ് അതോറിറ്റിയുടെ നേതൃത്വത്തിൽ സംഘടിപ്പിക്കുന്ന പിങ്ക് റൈഡ് നൂറുകണക്കിന് സൈക്കിളുകളുടെയും മോട്ടോർ ബൈക്കുകളുടെയും അകമ്പടിയോടെ നവംബർ ഒന്നിന് നടക്കും. ദുബൈയിൽ തുടക്കമായ ഫിറ്റ്നസ് ചലഞ്ചിലെ ആകർഷകമായ ഇനമായി ഇത്തവണത്തെ എട്ടാമത് പിങ്ക് റൈഡിനെ മാറ്റാനുള്ള തയാറെടുപ്പിലാണ് സംഘാടകർ.
സൺസെറ്റ് മാളിൽനിന്ന് തുടങ്ങി ജുമൈരിയ ബീച്ച് റോഡിൽ അവസാനിക്കുന്ന തരത്തിൽ 16 കിലോമീറ്റർ റൈഡാണ് ലക്ഷ്യമിടുന്നത്. പിങ്ക് റൈഡിൽ പങ്കെടുക്കാൻ താൽപര്യമുള്ളവർക്ക് ഇപ്പോൾ പേര് രജിസ്റ്റർ ചെയ്യാം. നൂറുകണക്കിന് സ്ത്രീകളുടെയും ഹെൽത്ത് വളൻറിയർമാരുടെയും സാന്നിധ്യം കൊണ്ടു ശ്രദ്ധേയമാകുന്ന പിങ്ക് റൈഡ് ദുബൈ സ്പോർട്സ് കൗൺസിൽ, ദീവ, ദുബൈ ആംബുലൻസ്, യൂനിയൻകോർപ്, ആർ.ടി.എ, ദുബൈ നഗരസഭ, കഫേ പെലോട്ടൻ എന്നിവരുടെ സഹകരണത്തോടെയാണ് സംഘടിപ്പിക്കുന്നത്. രജിസ്ട്രേഷനും കൂടുതൽ വിവരങ്ങൾക്കും ദുബൈ ഹെൽത്ത് അതോറിറ്റിയുടെ ഹെൽത്ത് ഫണ്ട് ഓഫിസുമായി ബന്ധപ്പെടാം. ഫോൺ: 042197474.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.