അബൂദബി: യു.എ.ഇ 48ാം ദേശീയദിനാഘോഷം ‘നമ്മുടെ പൂർവികരുടെ പാരമ്പര്യം’ പ്രമേയത്തിൽ കൊ ണ്ടാടും. ഡിസംബർ രണ്ടിന് അബൂദബി സായിദ് സ്പോർട്സ് സിറ്റി സ്റ്റേഡിയത്തിലാണ് ഔദ്യോഗിക ദേശീയദിനാഘോഷ പരിപാടികൾ നടക്കുക. രാജ്യത്തിെൻറ മൂല്യങ്ങളും പൈതൃകവും സംസ്കാരവും പ്രതിഫലിക്കുന്നതാവും ആഘോഷപരിപാടികളെന്നും സംഘാടകർ അറിയിച്ചു. അഭിമാനബോധം സൃഷ്ടിക്കുന്ന കലാസാംസ്കാരിക വിരുന്നാണ് ഇത്തവണത്തെ പ്രത്യേകതയെന്ന് യു.എ.ഇ 48ാം ദേശീയദിനാഘോഷ സംഘാടക സമിതി അംഗം സയീദ് അൽ സുവൈദി ചൂണ്ടിക്കാട്ടി. യു.എ.ഇയുടെ 48 വർഷത്തെ ചരിത്രമൂല്യങ്ങളിലേക്ക് കാണികളെ കൊണ്ടുപോകുന്ന തത്സമയ പ്രകടനങ്ങൾ, ഡിജിറ്റൽ ആർട്സ്, വിഷ്വൽ, സൗണ്ട് ഇഫക്റ്റുകൾ എന്നിവയെല്ലാം അവതരിപ്പിക്കും.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.