ഷാർജ: എമിറേറ്റിലെ സ്വകാര്യ സ്കൂളുകളിലെ കുട്ടികൾക്ക് കുടിവെള്ളം സൗ ജന്യമായി നൽകണമെന്ന് സുപ്രീം കൗൺസിൽ അംഗവും ഷാർജ ഭരണാധികാരിയ ുമായ ശൈഖ് ഡോ. സുൽത്താൻ ബിൻ മുഹമ്മദ് അൽ ഖാസിമി ഉത്തരവിട്ടു. ഷാർജ ജല-വൈദ‍്യുതി അതോറിറ്റി (സേവ) ആണ് ‘സുലാൽ’ വെള്ളം സ്കൂളുകളിൽ വിതരണം നടത്തുക.
116 സ്കൂളുകളിലും 135 നഴ്സറികളിലുമായി പഠിക്കുന്ന മലയാളികളടക്കം രണ്ട് ലക്ഷത്തിലധികം കുഞ്ഞുങ്ങൾക്ക് പ്രയോജനപ്പെടുന്നതാണിത്. സമൂഹത്തിലെ എല്ലാ മേഖലകളിലും മികച്ച പിന്തുണ നൽകുക എന്ന ശൈഖ് സുൽത്താെൻറ നന്മ മനസ്സാണ് ഈ പദ്ധതിയെന്ന് സേവ ചെയർമാൻ ഡോ. റാഷിദ് അൽ ലീം പറഞ്ഞു. കഴിഞ്ഞ വർഷം സർക്കാർ സ്കൂളുകളിൽ വെള്ളം സൗജന്യമായി വിതരണം നടത്താൻ സുൽത്താൻ ഉത്തരവിട്ടിരുന്നു. ഷാർജ പ്രൈവറ്റ് എജുക്കേഷൻ അതോറിറ്റിയുടെ സഹകരണത്തോട പദ്ധതി എത്രയും പെട്ടെന്ന് നടപ്പാക്കും.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.