ഷാര്‍ജ: പേര്‍ഷ്യന്‍ ഗള്‍ഫില്‍ സ്ഥിതി ചെയ്യുന്ന ഷാര്‍ജയുടെ ദ്വീപ് മേഖലയായ സര്‍ ബൂ നുഐറിലേക്ക് അക്കാദമി ഓഫ് പോലീസ് സയന്‍സസ് വിദ്യാഭ്യാസ യാത്ര നടത്തി. തീരമേഖലകള്‍ ശുചികരിക്കുകയും വംശനാശ ഭീഷണി നേരിടുന്നതും അപൂര്‍വ്വങ്ങളില്‍ അപൂര്‍വ്വമായി കാണപ്പെടുന്നതുമായ ജീവജാലങ്ങളുടെ ആവാസ വ്യവസ്ഥക്ക് യാതൊരു കോട്ടവും വരാത്ത രീതിയിലായിരുന്നു പഠന യാത്ര. വിദ്യാര്‍ഥികളുടെ സാമൂഹിക, വിദ്യാഭ്യാസ, മണ്ഡല അനുഭവങ്ങളെ പരിപോഷിപ്പിക്കുക, അവരുടെ നേതൃത്വ കഴിവുകള്‍ വികസിപ്പിക്കുക എന്ന ലക്ഷ്യത്തോടെയുള്ള പാഠ്യപദ്ധതികളില്‍ ഒന്നാണ് ഈ യാത്രയെന്ന് അക്കാദമി ഡയറക്ടര്‍ കേണല്‍ ഡോ. മുഹമ്മദ് ഖമീസ് അല്‍ ഉസ്മാനി പറഞ്ഞു. യാത്രയില്‍ പങ്കെടുത്തവര്‍ അവരുടെ സന്തോഷം പ്രകടിപ്പിക്കുകയും സ്വാഭാവികവും സാമൂഹികവുമായ പ്രതിഭാസങ്ങളുമായി നേരിട്ടു ബന്ധപ്പെടുന്ന പരിസ്ഥിതി ഘടകങ്ങളില്‍ നിന്ന് വിദ്യാര്‍ഥികള്‍ക്ക് നേരിട്ട് പഠിക്കാനേറെയുണ്ടായിരുന്നുവെന്ന് അവര്‍ പറയുകയും ചെയ്തു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.