ഷാര്‍ജ: ഷാര്‍ജയില്‍ രണ്ടാമത്തെ ടോള് ഗേറ്റ് പ്രവര്‍ത്തിച്ച് തുടങ്ങി. എമിറേറ്റ്സ് റോഡില് ഷാര്‍ജ, ഉമ്മുല്‍ഖുവൈന്‍ അതിര്‍ത്തിയായ അല്‍ സുബൈറിലാണ് ഗേറ്റ് സ്ഥാപിച്ചിട്ടുള്ളത്. വലിയ ലോറികള് ധാരാളമായി കടന്ന് പോകുന്ന റോഡാണിത്. എന്നാല്‍ ടോള് തുടങ്ങിയ വിവരം അറിയാതെ നിരവധി വാഹനങ്ങള്‍ വഴിയില്‍പ്പെട്ടതായി ദൃസാക്ഷികള്‍ പറഞ്ഞു. ഒരു വലിയ വാഹനം കടന്ന് പോകാന് 420 ദിര്‍ഹമാണ് ഈടാക്കുന്നതെന്ന് ഇതിലെ കടന്ന് പോയ ഡ്രൈവര്‍ പറഞ്ഞു. പഴയ ബൈപ്പാസ് റോഡാണ് ഇപ്പോള് എമിറേറ്റ്സ് റോഡ് എന്ന പേരില്‍ അറിയപ്പെടുന്നത്. ശൈഖ് മുഹമ്മദ് ബിന്‍ സായിദ് റോഡുമായി ബന്ധപ്പെടുന്ന റോഡാണിത്. ഉമ്മുല്‍ഖുവൈനില്‍ നിന്ന് ഫലജ് അല്‍ മുഅല്ലയിലേക്ക് പോകുന്ന റോഡും ഈ റോഡുമായി ബന്ധപ്പെടുന്നുണ്ട്. റാസല്‍ഖൈമ, ദുബൈ, ഷാര്‍ജ, അജ്മാന്‍, ഉമ്മുല്‍ഖുവൈന്‍ എമിറേറ്റുകളെ ബന്ധിപ്പിക്കുന്ന റോഡ്, അബുദബിയുമായും ബന്ധപ്പെട്ട് കിടക്കുന്നു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.