അബൂദബി: മലങ്കര ഓർത്തഡോക്സ് സഭയുടെ പ്രഖ്യാപിത പരിശുദ്ധനായ പരുമല മാര് ഗ്രീഗോറിയോസ് തിരുമേനിയുടെ 116ാമത് ഓർമപ്പെരുന്നാളിനോടനുബന്ധിച്ച് അബൂദബി സെൻറ് ജോർജ് ഒാർത്തഡോക്സ് ദേവാലയത്തിൽ പദയാത്ര സ്വീകരണം സംഘടിപ്പിച്ചു. തുടര്ന്ന് സന്ധ്യാ നമസ്കാരവും ധ്യാന പ്രസംഗവും റാസയും ആശിര്വാദവും നടന്നു. പ്രാർഥനക്ക് റവ. ഫാ. ഷാജി നേതൃത്വം നല്കി. സെൻറ് ജോർജ് ഒാർത്തഡോക്സ് ദേവാലയം വികാരി റവ. ഫാ. ബെന്നി മാത്യു, അസിസ്റ്റൻറ് വികാരി റവ. ഫാ. പോൾ േജക്കബ് എന്നിവര് സന്നിഹിതരായിരുന്നു. പദയാത്ര സ്വീകരണത്തിലും തുടർ ചടങ്ങുകളിലും നൂറുകണക്കിന് വിശ്വാസികൾ പെങ്കടുത്തു. വെള്ളിയാഴ്ച രാവിലെ എട്ടിന് വിശുദ്ധ മൂന്നിന്മേൽ കുർബാനയും തുടർന്ന് നേർച്ച വിളമ്പും നടക്കും.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.