അബൂദബി: അബൂദബി മോഡൽ സ്കൂളിൽ ഹയർ സെക്കൻഡറി വിദ്യാർഥിനികൾക്കായി സ്തനാർബുദ ബോധവത്കരണ കാമ്പയിൻ സംഘടിപ്പിച്ചു. ദേശീയ സ്തനാർബുദ ബോധവത്കരണ മാസാചരണത്തിെൻറ ഭാഗമായി അഹല്യ ആശുപത്രിയുടെ സഹകരണത്തോടെയാണ് കാമ്പയിൻ നടത്തിയത്. സ്കൂൾ പ്രിൻസിപ്പൽ ഡോ. വി.വി. അബ്ദുൽ ഖാദർ ഉദ്ഘാടനം ചെയ്തു. അഹല്യ ആശുപത്രിയിലെ ഗൈനക്കോളജിസ്റ്റ് ഡോ. സവിത മിനി, ബിസിനസ് ഡെവലപ്മെൻറ് മാനേജർ അഞ്ജലി റാത്തോഡ് എന്നിവർ ക്ലാസെടുത്തു. സ്കൂൾ ലീഡർ ഗിഫ്റ്റി തോമസ് സ്വാഗതവും പെൺകുട്ടികളുടെ വിഭാഗം ഹെഡ്മിസ്ട്രസ് ഡോ. ഹസീനാ ബീഗം നന്ദിയും പറഞ്ഞു. അധ്യാപകരും വിദ്യാർഥിനികളും പിങ്ക് വസ്ത്രം ധരിച്ചാണ് എത്തിയിരുന്നത്. പിങ്ക് ബലൂണുകൾ കൊണ്ട് ഓഡിറ്റോറിയം അലങ്കരിച്ചിരുന്നു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.