അബൂദബി: അബൂദബി കിരീടാവകാശിയും യു.എ.ഇ സായുധ സേനാ ഡെപ്യൂട്ടി സുപ്രീം കമാൻഡറുമായ ജനറൽ ശൈഖ് മുഹമ്മദ് ബിൻ സായിദ് ആൽ നഹ്യാനും ഇന്ത്യൻ പ്രധാനമന്ത്രി നരേന്ദ്ര മോദിയും ചൊവ്വാഴ്ച ടെലിഫോൺ സംഭാഷണം നടത്തി. യു.എ.ഇയും ഇന്ത്യയും തമ്മിലുള്ള ചരിത്രപരവും നയതന്ത്രപരവുമായ ബന്ധം കൂടുതൽ ശക്തിപ്പെടുത്തുന്നതിനുള്ള മാർഗങ്ങൾ ചർച്ച ചെയ്തു. ഇരു രാജ്യങ്ങളിലെയും ജനങ്ങളുടെ നന്മക്ക് ഉഭയകക്ഷി ബന്ധം വികസിപ്പിക്കാനും നയതന്ത്ര പങ്കാളിത്തം ശക്തിപ്പെടുത്താനുമുള്ള പ്രതിജ്ഞാബദ്ധത ഇരുവരും ഉൗന്നിപ്പറഞ്ഞു. അന്താരാഷ്ട്ര തലത്തിലും മേഖലയിലുമുള്ള വിഷയങ്ങളിൽ ആശയങ്ങൾ കൈമാറി.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.