ദുബൈ: മലപ്പുറം ജില്ലയിലെ എടയൂര് പഞ്ചായത്ത് നിവാസികളുടെ കൂട്ടായ്മയായ ഒരുമ എടയൂര്, യു.എ.ഇയുടെ മൂന്നാമത് കുടുംബ സംഗമം ‘ഫണ്ഡേ 2017’ എന്ന പേരില് അല് മിസ്ഹര് ഇന്ഡോര് സ്റ്റേഡിയത്തില് നടന്നു. പ്രസിഡന്റ് യൂനുസ് ഉദ്ഘാടനം ചെയ്ത പരിപാടിയില് കുട്ടികള്ക്കും സ്ത്രീകള്ക്കും പുരുഷന്മാര്ക്കുമായി വിവിധ മത്സരങ്ങള് നടത്തി.
പായസ മത്സരത്തില് സാജിദ കമാല് പാഷ ഒന്നാം സ്ഥാനം കരസ്ഥമാക്കി. നുബ്ഹ ഈസാ അനീസ് രണ്ടും ഹസീന ഹസന്, ഹുസ്ന നൗഷാദ് എന്നിവര് മൂന്നും സ്ഥാനം നേടി. വടംവലിയില് മെസഞ്ചര് മൂന്നാക്കല്വിജയികളായി. അംഗങ്ങള്ക്ക് വേണ്ടി നടപ്പിലാക്കിയ സമ്പാദ്യ പദ്ധതിയില് കിട്ടിയ ലാഭം ശഹീദ് കോട്ടയില്, നിസാബ് എന്നിവര് അംഗങ്ങള്ക്കിടയില് വിതരണം ചെയ്തു. നാലു ടീമുകളായി തിരിച്ചു നടത്തിയ പരിപാടികളില് മെസഞ്ചര് മൂന്നാക്കല് ഓവറോള് ചാന്പ്യന്മാരായി. വിജയികള്ക്കുള്ള സമ്മാനദാനം അമീന്, സുഹൈല് വി.പി, അബ്ദുല് ജലീല്, അബ്ദുറഷീദ് എന്നിവര് നിര്വഹിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.