ദുബൈ: മലയാളനാട്ടിലെ കലോത്സവ ഓര്മ്മകള് പുതുക്കി ജീപ്പാസ് യു ഫെസ്റ്റ് നാലാം ഘട്ടം ദുബൈയിൽ അരങ്ങേറി. മുൈഹസിന ഇന്ത്യന് അക്കാദമി സ്കൂള് അങ്കണത്തില് ഇന്നലെ നടന്ന മത്സരങ്ങളിൽ ദുബൈയിലെ സ്കൂളുകളില് നിന്ന് ആയിരത്തില് പരം സര്ഗ്ഗപ്രതിഭകളാണ് മാറ്റുരച്ചത്. 127 പോയിൻറ് നേടിയ ദുബൈ ഗള്ഫ് മോഡല് സ്കൂൾ ജേതാക്കളായി. കാണികളുടെ മികച്ച പങ്കാളിത്തം അക്ഷരാർഥത്തിൽ യൂഫെസ്റ്റിനെ കേരള യുവജനോത്സവമാക്കി മാറ്റി. അധ്യാപകര്ക്കായി ഏര്പ്പെടുത്തിയ സംഘഗാനമത്സരവും വേറിട്ട അനുഭവമായി.
പ്രവാസ ലോകത്തെ പ്രതിഭകള് മത്സരഇനങ്ങളില് ഓരോന്നിലും മികച്ച നിലവാരം പുലര്ത്തിയതായി നാട്ടില് നിന്നെത്തിയ വിധികര്ത്താക്കള് അഭിപ്രായപ്പെട്ടു.പ്രമുഖ പരസ്യ ഏജന്സിയായ ഇക്കുറ്റി പ്ലസ് ആണ് രണ്ടാം വര്ഷവും യുഫെസ്റ്റ് അണിയിച്ചൊരുക്കുന്നത്. അബൂദബി സ്കൂളുകൾക്കായി ഇൗ മാസം 24ന് മുസഫ ഡ്യൂൺസ് സ്കൂളിൽ അഞ്ചാംഘട്ട മത്സരം നടക്കും. ഡിസംബർ ഒന്നിന് ദുബൈയിൽ വെച്ചാണ് ഗ്രാന്ഡ് ഫിനാലെ. ഗള്ഫ് മാധ്യമം, ഹിറ്റ് 96.7 എഫ്.എം,ഏഷ്യാനെറ്റ് ന്യൂസ് എന്നിവയുടെ മാധ്യമ പങ്കാളിത്തത്തിലാണ് യുഫെസ്റ്റ് അരങ്ങേറുന്നത്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.