ശൈഖ് മക്തൂം, ശൈഖ് അഹ്മദ്
ദുബൈ: ശൈഖ് മക്തൂം ബിൻ മുഹമ്മദ് ബിൻ റാശിദ് ആൽ മക്തൂമിനെ ദുബൈയുടെ ഫസ്റ്റ് ഉപ ഭരണാധികാരിയായും ശൈഖ് അഹ്മദ് ബിൻ മുഹമ്മദ് ബിൻ റാശിദ് ആൽ മക്തൂമിനെ രണ്ടാം ഉപ ഭരണാധികാരിയായും നിയമിച്ച്, യു.എ.ഇ വൈസ് പ്രസിഡന്റും പ്രധാനമന്ത്രിയും ദുബൈ ഭരണാധികാരിയുമായ ശൈഖ് മുഹമ്മദ് ബിൻ റാശിദ് ആൽ മക്തൂം ഉത്തരവ് പുറത്തിറക്കി.
2008 മുതൽ ദുബൈയുടെ ഉപ ഭരണാധികാരിയായി പ്രവർത്തിക്കുന്ന ശൈഖ് മക്തൂം, 2021 മാർച്ചിൽ ശൈഖ് ഹംദാൻ ബിൻ റാശിദ് ആൽ മക്തൂമിന്റെ മരണശേഷം യു.എ.ഇ ധനകാര്യമന്ത്രി കൂടിയായി പ്രവർത്തിച്ചുവരുകയാണ്. ശൈഖ് അഹ്മദ് നിലവിൽ ദുബൈ മീഡിയ കൗൺസിൽ ചെയർമാനായി പ്രവർത്തിച്ചുവരുകയാണ്.
പുതിയ ഉത്തരവ് വെള്ളിയാഴ്ച മുതൽ പ്രാബല്യത്തിൽ വന്നു. വൈകാതെ ഇക്കാര്യം ഔദ്യോഗിക ഗസറ്റിൽ പ്രസിദ്ധീകരിക്കും. ശൈഖ് മക്തൂമും ശൈഖ് അഹ്മദും ശൈഖ് മുഹമ്മദ് ബിൻ റാശിദിന്റെ മക്കളാണ്.ദുബൈ കിരീടാവകാശിയും എക്സിക്യൂട്ടിവ് കൗൺസിൽ ചെയർമാനുമായ ശൈഖ് ഹംദാൻ ബിൻ മുഹമ്മദ് ബിൻ റാശിദ് ആൽ മക്തൂമിന്റെ സഹോദരങ്ങളുമാണ്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.