അബൂദബി: അണക്കെട്ടുകളിൽ ജല നിരപ്പ് ഉയർന്നു. ഇൗ മാസം നാലു മുതൽ എട്ടു വരെ 213,908 ക്യുബിക് മീറ്ററാണ് ഡാമുകളിൽ ശേഖരിക്കപ്പെട്ട വെള്ളമെന്ന് ഉൗർജ മന്ത്രാലയം വ്യക്തമാക്കി. കോർഫഖാൻ, മസാഫി തുടങ്ങിയ മേഖലകളിൽ പെയ്ത കനത്ത മഴയാണ് ജലനിരപ്പ് ഉയരാൻ സഹായകമായത്. 18,000 ക്യുബിക് മീറ്റർ സംഭരണ ശേഷിയുള്ള അൽ ദഉൗദി ഡാമിൽ 30,400 വെള്ളമാണ് എത്തി കവിഞ്ഞൊഴുകിയത്. അൽ അമീം, അൽ ഖസാഅ, അൽ ഗൈൽ തുടങ്ങിയ ഡാമുകളിലും വെള്ളം നിറഞ്ഞു. താഴ്വരകളിലേക്ക് പോകുന്നവർ സുരക്ഷാ നിർദേശങ്ങൾ പാലിക്കണമെന്നും അധികൃതർ മുന്നറിയിപ്പ് നൽകി.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.