ഷാർജ: നാട്ടിൽ നികുതി അടക്കാതെ കൊണ്ട് വന്ന ഒരു ലക്ഷം ദിർഹം വിലമതിക്കുന്ന സ്വർണം ഷാർജ അന്താരാഷ്ട്ര വിമാനതാവളത്തിൽ പിടികൂടി. ഏഷ്യൻ രാജ്യത്ത് നിന്ന്് വന്നയാളിൽ നിന്നാണ് സ്വർണം പിടികൂടിയതെന്ന് പൊലീസ് പറഞ്ഞു. നാട്ടിൽ നികുതി അടക്കുന്നതിൽ നിന്ന് രക്ഷപ്പെടാനാണ് സ്വർണം പൗഡറിനകത്ത് ഒളിപ്പിച്ചത്. തിരിച്ചറിയാതിരിക്കാൻ വസ്ത്രങ്ങൾ കൊണ്ട് മൂടി. എന്നാൽ വിമാനതാവളത്തിലെ പരിശോധനയിൽ സംശയം തോന്നിയ ഉദ്യോഗസ്ഥർ ടിന്ന് തുറന്ന് പരിശോധിച്ചപ്പോളാണ് കള്ളി വെളിച്ചത്തായത്. നാട്ടിൽ നിന്ന് പൊന്ന് വാങ്ങിയ രശീതി ഇയാൾ പൊലിസിന് നൽകി. നികുതി അടക്കുന്നതിൽ നിന്ന് രക്ഷപ്പെടാനാണ് തന്ത്രം പ്രയോഗിച്ചതെന്ന് ഇയാൾ വെളിപ്പെടുത്തി.ഇത്തരം നടപടികൾ കുറ്റകരമാണെന്ന് ശിക്ഷാർഹമാണെന്ന് ഷാർജ അന്താരാഷ്ട്ര വിമാന താവള പൊലീസ് സ്റ്റേഷൻ ഒഫീസർ മതാർ ആൽ കെത്ബി പറഞ്ഞു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.