ദുബൈ: കോഴിക്കോട്ടുനിന്ന് ദുബൈയിലേക്കുള്ള എയർ ഇന്ത്യ എക്സ്പ്രസ് വിമാനം മണിക്കൂറോളം വൈകി. ശനിയാഴ്ച രാത്രി 8.05ന് പുറപ്പെടേണ്ട ഐ.എക്സ് 343 വിമാനം രാത്രി വൈകിയും പുറപ്പെട്ടിട്ടില്ല. സാങ്കേതിക തകരാറാണ് കാരണമായി പറയുന്നത്.
കൃത്യസമയത്ത് വിമാനത്തിലേക്ക് കയറാൻ വരിനിൽക്കാൻ അറിയിപ്പ് വന്നെങ്കിലും ഗേറ്റിനു സമീപം എത്തിയപ്പോഴാണ് വിമാനം വൈകുമെന്ന് ജീവനക്കാർ അറിയിച്ചത്. പുതിയ സമയം അറിയിക്കാൻ ജീവനക്കാർ തയാറാവാത്തതിനെത്തുടർന്ന് യാത്രക്കാർ ബഹളംവെക്കാൻ തുടങ്ങി.
ഇത്രയും സമയം യാത്രക്കാർക്ക് വെള്ളംപോലും നൽകാൻ വിമാന അധികൃതർ തയാറായില്ലെന്ന് യാത്രക്കാരൻ സാബിൻ പറഞ്ഞു. യാത്രക്കാർ ക്ഷുഭിതരായതോടെ ദുബൈയിൽനിന്ന് പകരം വിമാനം വരുന്നുണ്ടെന്നും 12 മണിയോടെ വിമാനം പുറപ്പെടുമെന്നുമുള്ള അറിയിപ്പാണ് വന്നത്. കഴിഞ്ഞ ദിവസം കോഴിക്കോട്-ദുബൈ വിമാനം 21 മണിക്കൂറാണ് വൈകിയത്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.