ദുബൈ: ജീപ്പാസ് യുഫെസ്റ്റ് 2018 ന് മുന്നോടിയായി സംഘടിപ്പിച്ച പ്രചാരണ സംഘം കൂടുതല് സ്കൂളികളിലേക്ക് യാത്ര തുടരുന്നു. ബുധനാഴ്ച ഷാര്ജയിലെ സ്കൂളിലാണ് ജീപ്പാസ് യുഫെസ്റ്റ് സംഘമെത്തിയത്. സീസണ് ത്രീയുടെ ഭാഗമായി പത്തു ദിനങ്ങള് ഇരുപതു സ്കൂളുകള് എന്ന പ്രചാരണ കാമ്പയിന് ഇതിനകം ഒമ്പത് ദിനങ്ങള് പിന്നിട്ടു. പ്രമുഖ റേഡിയോ ചാനലായ ഹിറ്റ് 96.7 എഫ് എം അവതാരകൻ അര്ഫാസ് പേസ് ഇൻറര്നാഷനല് സ്കൂള് ഷാര്ജ, ഇന്ത്യ ഇൻറര്നാഷനല് ബോയ്സ് സ്കൂള് ഷാര്ജ എന്നിവിടങ്ങളിലെ പരിപാടികളിൽ വിദ്യാർഥികളെ സ്വാഗതം ചെയ്തു. ഇക്വിറ്റി പ്ലസ് എം.ഡി ജൂബി കുരുവിള, ആഡ്സ്പീക്ക് ഡയറക്ടര് ദില്ഷാദ് എന്നിവരും സന്നിഹിതരായിരുന്നു. കുട്ടികളുടെ വിവിധ കലാപരിപാടികളും അരങ്ങേറി.
സ്കൂളുകളിലെത്തിയ സംഘം പേസ് ഇൻറര്നാഷനല് സ്കൂള് ഷാര്ജ പ്രിന്സിപ്പല് മുഹ്സിന് കാട്ടയാട്ട്, സി.ഇ.ഒ അബ്ദുല് സലാം, ഇന്ത്യ ഇൻറര്നാഷനല് ബോയ്സ് സ്കൂള് ഷാര്ജ പ്രിന്സിപ്പല് മഞ്ജു റെജി, അസിസ്റ്റൻറ് ഡയറക്ടര് അഡ്വക്കറ്റ് അബ്ദുല് കരീം എന്നിവര്ക്ക് യുഫെസ്റ്റ് സീസണ് ത്രീ പോസ്റ്റര് കൈമാറി.
സീസണ് ത്രീ മത്സരങ്ങള് 2018 നവംബര് 9നാണ് ആരംഭിക്കുന്നത്. കൂടുതല് വിവരങ്ങള്ക്കും രജിസ്ട്രേഷനും www.youfestuae.com
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.