അബൂദബി കാസര്കോട് ജില്ല കെ.എം.സി.സി സംഘടിപ്പിക്കുന്ന ഇശല് വിരുന്നിന്റെ ബ്രോഷര്
പ്രകാശനം
അബൂദബി: കാസര്കോട് ജില്ല കെ.എം.സി.സി സംഘടിപ്പിക്കുന്ന ഇശല് വിരുന്നിന്റെ ബ്രോഷര് പ്രകാശനം സൈഫ് ലൈന് ഗ്രൂപ് ഓഫ് കമ്പനി ചെയര്മാന് ഡോക്ടര് അബൂബക്കര് കുറ്റിക്കോല് നിര്വഹിച്ചു.
ബലിപെരുന്നാള് ആഘോഷത്തോട് അനുബന്ധിച്ച് ജൂണ് എട്ടിന് രാത്രി അബൂദബി ഇന്ത്യന് ഇസ്ലാമിക് സെന്ററിലാണ് ഇശല് വിരുന്ന്. ബ്രോഷര് പ്രകാശന ചടങ്ങില് പ്രസിഡന്റ് അബ്ദുറഹിമാന് ഹാജി ചേക്കു അധ്യക്ഷത വഹിച്ചു. ഷാര്ജ ഇന്ത്യന് അസോസിയേഷന് പ്രസിഡന്റ് നിസാര് തളങ്കര, അബൂദബി മലയാളി സമാജം ജനറല് സെക്രട്ടറി സുരേഷ് കുമാര് പെരിയ, കാസര്കോട് മണ്ഡലം മുസ്ലിം ലീഗ് പ്രസിഡന്റ് മാഹിന് കേളോട്ട്, ജില്ല പഞ്ചായത്ത് മെംബര് ഗോള്ഡന് അബ്ദുറഹിമാന്, ലോയേഴ്സ് ഫോറം ജില്ല പ്രസിഡന്റ് അഡ്വ. ഫൈസല്, ഷെരീഫ് കോളിയാട്, നജീബ് മൊഗ്രാല്, മുജീബ്, പി.കെ. അഹമ്മദ്, ഹനീഫ പടിഞ്ഞാര് മൂല, കെ.കെ. സുബൈര്, ഉമ്പുഹാജി, പി.കെ. അഷറഫ്, റാഷിദ് എടത്തോട്, സുലൈമാന് കാനക്കോട് ഉള്പ്പെടെ സംബന്ധിച്ചു. ഗായകരായ ആസിഫ് കാപ്പാട്, ഇസ്മായില് തളങ്കര, പിന്നണി ഗായിക ദാന റാസിഖ്, ഡോ. ഷാസിയ, പട്ടുറുമാല് ഫെയിം സിയാ ജാസ്മിന്, നാടന് പാട്ട് കൊണ്ട് വിസ്മയം സൃഷ്ടിച്ച സജിയും പാറുവും ഉള്പ്പെടെയുള്ളവര് ഇശല് വിരുന്നില് അണിനിരക്കും.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.